CANAAN kompanııasy Qazaqstan blokcheın-tehnologııalar qaýymdastyǵyna múshe boldy
ASTANA. KAZINFORM — Elordada Qazaqstan blokcheın-tehnologııalar jáne data-ortalyqtar qaýymdastyǵynyń Basqarma tóraǵasy Dáýren Qarashev pen CANAAN CONVEY vıtse-prezıdenti Devıs Hýeı kezdesti.
Basqosý barysynda taraptar kompanııanyń Qazaqstan blokcheın-tehnologııalar jáne data-ortalyqtar qaýymdastyǵynyń músheligine kirýi týraly kelisimshartqa qol qoıdy.
Óz kezeginde Devıs Hýeı qazaqstandyq tsıfrlyq maınerler naryǵynyń CANAAN CONVEY úshin mańyzdylyǵyn atap ótip, Qazaqstan Ortalyq Azııa óńirindegi negizgi krıptohabqa aınalýy ábden múmkin ekenin jetkizdi.
Kezdesýde qazaqstandyq tsıfrlyq maınerlerdiń tsıfrlyq maınıngke arnalǵan jabdyqtaryn sapaly jańartý, «halvıng» qarsańynda olardyń jumysynyń tıimdiligin jaqsartý, bir mezgilde kómirtegi izin azaıta otyryp, energııa tıimdiligin arttyrý salasyndaǵy yntymaqtastyq máseleleri talqylandy.
QBTQ basshysy Dáýren Qarashev búgingi tańda Qaýymdastyqtyń tikeleı qatysýymen zańnamalyq negiz qurylǵanyn, oǵan sáıkes tsıfrlyq maınerler endi elimizdiń energııa júıesine qandaı da bir qaýip tóndirmeıtinin aıtty. Kerisinshe, elektr energııasyna suranys týǵyzatyn, sondaı-aq energııa júıesin teńgerimdeýge, onyń ornyqty ári irkilissiz jumys isteýine járdemdesetin turaqty jáne tólem qabiletti tutynýshylar ekenin atap ótti.
«Biz úshin jasyl energetıkaǵa basymdyq bere otyryp, tsıfrlyq maınerlerdi úzdiksiz elektr energııasymen qamtamasyz etý, tsıfrlyq maınıngke arnalǵan eń jańa jabdyqtardy paıdalaný esebinen kómirtegi izin qysqartý mańyzdy. Qaýymdastyǵymyzdyń músheleri, elimizdiń eń iri tsıfrlyq maınerleri úshin CANAAN CONVEY sııaqty álemdik deńgeıdegi kompanııamen yntymaqtastyq jasaý strategııalyq jetistik sanalady», - dep atap ótti Dáýren Qarashev.
CANAAN CONVEY CO., LTD. 2013 jyly Qytaıda qurylǵan. Ol - blokcheın-serverlerdi óndirýde jáne ASIC mıkroprotsessorlyq sheshimderin ázirleýde álemdik kóshbasshylardyń biri.
