«Camuryq-Qazyna» jyl sońyna deıin qyzmetkerleriniń shtatyn qysqartady

ASTANA. 24 qarasha. QazAqparat - «Camuryq-Qazyna» AQ halyqaralyq standarttarǵa sáıkes kelý maqsatynda óz qurylymyn ońtaılandyrý jumysyn jalǵastyrýda. Osy jyldyń sońyna deıin ortalyq apparatta birqatar laýazymdardy qysqartý jáne joıý kózdelip otyr. Bul týraly Halyqtyq IPO baǵdarlamasynyń resmı saıty habarlady.

"Árbir basqarýshy dırektor jumystyń naqty baǵytyna jaýap beretin bolady", - , dedi memlekettik holdıngtiń Basqarma tóraǵasy Ómirzaq Shókeev.

«Bizdiń oıymyzsha, 2014 jyl serpindi jobalar men nátıjelerdi jaqsartý jyly bolýy tıis. Biz halyqaralyq deńgeıde birqatar mańyzdy mamandardy, atap aıtqanda táýekeldi, HR-dy jáne jobalardy basqaratyndardy jaldaýdy josparlap otyrmyz», - dedi Ó. Shókeev juma, 22 qarashada «Samuryq-Qazyna» kompanııalar tobynyń táýelsiz dırektorlarymen kezdesýinde.

Ol holdıng qurylymyna kiretin kompanııalardy «búkil artyq qurylymdardan arylýǵa» shaqyrdy. «Eshbir naqty isi joq prezıdentterdiń, oıdan shyǵarylǵan atqarýshy jáne basqarýshy dırektorlardyń qajeti joq», - dedi Ó. Shókeev.

Sonymen qatar ol kompanııalar tobyndaǵy barlyq qyzmetkerlerge arnalǵan qoldanystaǵy paıdaly áser koeffıtsıentin qaıta qaraýdy tapsyrdy. «Qandaı da bir maqsattarǵa qol jetkizýge adamdar tyrysýy úshin paıdaly áser koeffıtsıenti aıtarlyqtaı órshil bolýy tıis. Eger ol sonshalyqty qol jeterlik bolsa, onda biz jyl saıyn qyzmetkerlerge úsh jalaqy tóleýge tıis bolamyz, alaıda bul eshkimdi de yntalandyrmaıdy», - dedi Ó. Shókeev.