Salonnan alǵan sý jańa kóligi júrmeı qalǵan turǵyn 16,6 mln teńge óndirip aldy

ASTANA. KAZINFORM — Astanada tutynýshy avtosalonnan 15 mln teńgege avtokólik satyp alǵan, alaıda úsh aıdan keıin kólik júrmeı qalyp, ıesi qyzmet kórsetý ortalyǵyna habarlasqan. Onda berilis qoraby durys jumys istemeıdi, aqaý bar degen qorytyndy jasalǵan.

Avtokólik satý jaǵynan bólshekti jetkizý birneshe aıǵa sozylǵan.

Taýardy qaıtarý nemese aıyrbastaý týraly shaǵymmen avtokólik júrgizýshisi sýbagentke — avtosalonǵa jáne óndirýshige narazylyq hatyn jiberedi.

Máseleni retteýge baǵyttalǵan óz áreketinen túk shyqpaǵan soń ttutynýshy Astana qalasynyń saýda jáne tutynýshylar quqyǵyn qorǵaý departamentine júginýge májbúr bolady.

Aryzda tutynýshy satýshynyń kemshilikterdi joıýdan, sapasyz kólik úshin aqshany aıyrbastaýdan nemese qaıtarýdan, kepildik boıynsha qyzmet kórsetýden, aqaýdy joıýdan bas tartqanyn kórsetedi.

Odan ári is sotta qaralyp, onda jaýapker servıstik ortalyq óndirýshi jáne avtosalon, al memlekettik organ úshinshi tulǵa retinde áreket etti.

Sot protsesinde departament basshysy Nurǵalı Qýandyquly túsinik berdi. 

«Kólik — tehnıkalyq jaǵynan kúrdeli taýar. Eger onda eleýli kemshilik anyqtalsa, onda satyp alýshy uqsas taýarǵa aýystyrýdy nemese ol úshin tólengen somany qaıtarýdy talap etýge quqyly», — dep túsindirdi ol.

Sot sheshimimen tutynýshyǵa avtokóliktiń quny tolyq qaıtaryldy, sondaı-aq kepildik jóndeýdiń búkil ýaqyty úshin 100 000 teńge mólsherinde moraldyq zııan jáne tutynýshy Soltústik Qazaqstan oblysynan kelgendikten Astana qalasynda turýǵa jumsaǵan shyǵynyna  71 000 teńge, ókildiń qyzmetine aqy tóleý boıynsha shyǵystarǵa 500 000 teńge, memlekettik bajdy tóleý boıynsha shyǵystarǵa 161 000 teńge óteldi.

Tutynýshyǵa jalpy somasy 16 677 000 teńge qaıtaryldy.