Calatrava Grace Corporation Astanadaǵy jobalaryn tanystyrdy

ASTANA. QazAqparat - Qazaqstan Prezıdenti Abý-Dabı qalasynda «Calatrava Grace Corporation» kompanııasynyń atqarýshy dırektory Maıkl Kalatravamen kezdesti, dep habarlaıdy Aqordanyń baspasóz qyzmeti.  

Kezdesý barysynda kompanııanyń bizdiń elimizben aradaǵy uzaq merzimge arnalǵan yntymaqtastyǵynyń perspektıvalary talqylandy. Atap aıtqanda, Memleket basshysyna Astanada iske asyrý josparlanyp otyrǵan jobalar tanystyryldy.

«Calatrava Grace Corporation» kompanııasy jyljymaıtyn múlik salasyndaǵy jahandyq jobalarǵa óz klıentterimen birge ár tranzaktsııa úshin 100 mln dollarǵa deıin qarjy bóle alatyn múmkindigi bar ınvestor bolyp sanalady. Búginde kompanııa portfolıosy 32 eldegi jalpy kólemi 1,9 mln sharshy metr bolatyn 340 jobany qamtıdy.