Cáken Bıbosynov Bahreın atynan synǵa túsken qazaq boksshysyn jeńdi

ASTANA. KAZINFORM — Búgin Italııada eki qazaq boksshysy kezdesti. Tartysqa toly ótken jekpe-jekte Sáken Bıbosynovtyń mereıi ústem boldy. 

Ol Bahreın atynan synǵa túsken Azat Mahmetovti jeńip, kelesi kezeńge joldama aldy. 

Aıta ketsek, buǵan deıin lıtsenzııalyq týrnırde búgin sharshy alańǵa kimder shyǵatynyn jazǵan bolatynbyz. Italııadaǵy boks básekesinde qazaqstandyqtar arasynan birinshi bolyp sharshy alańǵa shyqqan Alýa Balqybekova kelesi kezeńge ótti. 

Eske salaıyq, Italııadaǵy týrnırdiń 1/8 fınalynda Aıbek Oralbaı qarsylasyn jeńip, Olımpıada lıtsenzııasyna bir taban jaqyndady. Sondaı-aq áıelder arasynda Qazaqstan quramasynyń atynan synǵa túsken Natalıa Bogdanova jarys jolynan shyǵyp qaldy.