Caǵyntaev Nobel syılyǵynyń laýreaty Rae Kvon Chýngpen kezdesti

ASTANA. QazAqparat - H Astana ekonomıkalyq forýmy barysynda QR Premer-Mınıstri Baqytjan Saǵyntaev pen 2007 jylǵy álemdik Nobel syılyǵynyń laýreaty Rae Kvon Chýngtyń kezdesýi ótti, dep habarlaıdy primeminister.kz

Kezdesý taqyryby ekonomıka, tabıǵat jáne qoǵamnyń úılesimin kózdeıtin Turaqty damý tujyrymdamasyn iske asyrý, sondaı-aq adam kapıtalyna ınvestıtsııa salýǵa shaqyratyn «Jasyl ósim» tujyrymdamasy boldy.

Baqytjan Saǵyntaev pen Rae Kvon Chýng Astanada ótkizilip jatqan EKSPO-2017 kórmesin talqylady.

Sondaı-aq QR Úkimet basshysy  Bretton-Výdsty jańǵyrtý komıtetiniń bas dırektory Mark Ýzanmende kezdesti.

Kezdesý barysynda jańa ekonomıkalyq syn-tegeýrinder turǵysynan alǵandaǵy yntymaqtastyq keleshegine qatysty máseleler talqylandy.

Aıta ketý kerek, Komıtet Qazaqstannyń ekonomıkalyq ártaraptandyrý jáne turaqty damý úderisterin ilgeriletý jónindegi seriktesi bolyp tabylady.