Cadaq atýdan Azııa kýbogynda Qazaqstan quramasy eki altyn medal jeńip aldy

ASTANA. KAZINFORM – Qazaqstan quramasy sadaq atýdan Sıngapýrdegi Azııa kýbogynyń kezeńinde eki altyn medal jeńip aldy.

Bloktyq sadaq atýdan aralas komandalar arasynda Adel Jeksenbınova men Andreı Tıýtıýn juby aqtyq synda Úndistannan basym tústi. Qorytyndy esep 155-153.

Taǵy bir fınaldyq kezdesýde Qazaqstan erler quramasy Úndistannan barǵan qarsylastaryn 235:231 esebimen jeńdi. Bul synda elimizdiń namysyn Andreı Tıýtıýn, Dilmuhamet Mýsa jáne Býned Mırzametov qorǵady.

Eske sala keteıik, buǵan deıin sadaq atýdan Sıngapýrda ótip jatqan Azııa kýbogynyń kezeńinde Qazaqstan erler quramasy fınalǵa joldama alǵanyn jazǵan edik.