BJZQ janjaldy mámileden keıin ishki baqylaýdy kúsheıtedi
ALMATY. QazAqparat - BJZQ ishki baqylaý júıesin kúsheıtedi, dep habarlady «qazAqparat» HAA tilshisi.
«Búgin BJZQ dırektordar keńesiniń otyrysy ótti. Onda eki másele qaraldy. Birinshisi - ishki baqylaýdy kúsheıtý. Munda qordyń jeke qarajaty ınvestıtsııalarymen bolǵan jaǵdaı barlyǵyna belgili. Dırektorlar keńesine qordyń ishki baqylaý júıesi nege jumys istemeginin túsiný mańyzdy. Keńeste osyǵan jaýap beretin qor bólimsheleri basshylary tyńdaldy.
Jeke aktıvterdi ınvestıtsııalaý úshin ishki aýdıt qyzmeti bar. Qoǵamdy dúrliktirgen mámile nege dırektorlar keńesinde qaralǵanyn túsindiremiz: kólemi boıynsha ol qordyń jeke aktıvteriniń 25 paıyzynan aspady. ıAǵnı, aktsıonerlik qoǵam týraly zańǵa, BJZQ jarǵysyna sáıkes dırektorlar keńesi qaraýǵa jatatyn iri mámile osy kórsetkishke teń nemese odan asatyn mámile bolyp tabylady», - dedi UB tóraǵasynyń orynbasary Dına Ǵalıeva.
Ol dırektorlar keńesi BJZQ basqarmasyna qoldanystaǵy qujatqa ózgerister men tolyqtyrýlar enzgizýdi tapsyrǵanyn atap ótti. Atap aıtqanda, BJZQ qurylymdyq bólimsheleriniń is-qımylyn jetildirýge baǵyttalǵan ózgerister.
Zeınetaqy jınaǵy 2016 jylǵy 1 jeltoqsandaǵy jaǵdaı boıynsha 6,64 trln teńgeni qurady.
Eske salsaq, sot burynǵy basshy Rýslan Erdenaevqa qamaýda ustaý túrindegi bultartpaý sharasyn ózgerissiz qaldyrdy. Sondaı-aq sot Táýekelderdi basqarý departamentiniń qarjylyq táýekelder basqarmasynyń bastyǵy Musa Bahytov, «AlataýMunaıAltyn» AQ baqylaý keńesiniń tóraǵasy Baqytjan Kenjebaev, «Býzgýl Aýrým» JShS dırektory A. Naızaǵarınany qamaýǵa alý sharasyn ózgerissiz qaldyrdy.
