BJZQ zeınetaqy aktıvteriniń tabysy ınflıatsııa deńgeıinen joǵary

ALMATY. QazAqparat - Biryńǵaı jınaqtaýshy zeınetaqy qorynyń zeınetaqy aktıvteriniń tabysy jyl basynan beri 6,48% kórsetti, ınflıatsııa 5,3% boldy, dep habarlaıdy QazAqparat tilshisi.

«Salymshylardyń shottaryndaǵy taza ınvestıtsııalyq kiris jyl basynan beri 798,3 mlrd teńgeni qurady, osylaısha sharttardyń barlyq túrleri boıynsha túsetin jarnalardyń kóleminen asyp tústi. Ótken jyldyń osy kezeńinde ol 752,9 mlrd teńge boldy»,- dep habarlady BJZQ-nyń baspasóz qyzmeti.

Bul rette jyl basynan beri Ulttyq banktiń basqarýyndaǵy BJZQ zeınetaqy aktıvteriniń kiristiligi 6,48% kórsetti, sol kezeńdegi ınflıatsııa 5,3% boldy.

«Eger QR UB basqarýyndaǵy zeınetaqy aktıvteriniń kiristiligin jyldyq mánde, ıaǵnı sońǵy 12 aıda qarastyratyn bolsaq, onda ol ınflıatsııa 8,4% kezinde 10,56% qurady»,-delingen habarlamada.