BJZQ zeınetaqy aktıvteriniń kirisi nelikten tómendedi
Bul týraly QR Ulttyq bankiniń Monetarlyq operatsııalar departamentiniń dırektory Nurjan Tursynhanovtyń Zeınetaqy qorynyń aktıvterin basqarý isinde júrgizilip jatqan jumystar týraly baıandamasynda aıtylǵan, dep habarlaıdy QazAqparat.
2022 jylǵa arnalǵan BJZQ aktıvterin basqarýdaǵy nátıjeler týraly
2022 jyldyń qorytyndysy boıynsha, Ulttyq banktiń senimgerlik basqarýyndaǵy BJZQ zeınetaqy aktıvteriniń kiristiligi aldyńǵy kezeńderdegi ortasha mándermen salystyrǵanda tómendep, 6,55%-dy qurady. Munyń birqatar obektıvti sebebi bar: qazaqstandyqtarǵa tıesili aqshalaı jınaqtardyń kiristiligine álemdegi ekiushty geosaıası jáne ekonomıkalyq jaǵdaı aıtarlyqtaı áser etti. Biraq 2022 jyldyń basynan eseptelgen ınvestıtsııalyq kiristiń mólsheri 914,1 mlrd teńgeni quraǵanyn, ıaǵnı, ótken jyldyń qorytyndysy boıynsha aktıvterdiń kiristiligi oń bolǵan.
2022 jyly BJZQ zeınetaqy aktıvteri portfeliniń qunyna áser etken faktorlar týraly
2022 jyly joǵary ınflıatsııa jaǵdaıynda kóptegen elderdiń ortalyq bankteri monetarlyq saıasatty kúsheıtýge májbúr boldy. Onyń sońy barlyq aktıvterdiń klastyq qunyn tómendetýge alyp keldi. Mysaly, ótken jyly kóptegen álemdik ındekster teris mánderdi kórsetti: MSCI World Index aktsııalarynyń ındeksi 19,5%-ǵa, AQSh qazynashylyq oblıgatsııalarynyń ındeksi 7,6%-ǵa, korporatıvtik oblıgatsııalar ındeksi 15,8%-ǵa, damýshy naryqtar oblıgatsııalarynyń ındeksi 15,3%-ǵa tómendedi.
Osylaısha, naryqtaǵy negatıvti qaıta baǵalaý úrdisi sheteldik jáne qazaqstandyq emıtentterdiń oblıgatsııalary men aktsııalaryn qamtıtyn BJZQ zeınetaqy aktıvteri portfeliniń qunyn túsirdi.
BJZQ aktıvterin basqarý boıynsha júrgizilip jatqan ınvestıtsııalyq saıasat týraly
Ulttyq bank BJZQ zeınetaqy aktıvteriniń senimdi basqarýshysy retinde teńgerimdi ınvestıtsııalyq saıasat júrgizedi. ıAǵnı, biz valıýtalar, elder, sektorlar men emıtentter boıynsha qarjy quraldarynyń ár túrine ınvestıtsııa salamyz. Basqasha aıtar bolsaq, «jumyrtqanyń barlyǵyn bir sebetke salmaımyz». 2022 jyly kóptegen halyqaralyq ınstıtýtsıonaldyq ınvestorlar aktıvterdi basqarýda teris nátıjelerge kezigip, aıtarlyqtaı shyǵynǵa ushyrap jatsa, biz álemdegi teris makroekonomıkalyq jaǵdaıǵa qaramastan, nomınaldy túrde zeınetaqy aktıvteriniń oń kiristiligin kórsettik. ıAǵnı, biz ustanyp otyrǵan ártaraptandyrý isi oń nátıje berdi.
Belgili bir qysqa merzimde alynǵan zeınetaqy aktıvteriniń kiristiligi olardy basqarý tıimdiligin kórsetpeıtinin túsingen jón. Zeınetaqy aktıvteri uzaq ınvestıtsııalyq aralyqpen sıpattalady jáne olardy ınvestıtsııalaýdyń negizgi maqsatynyń biri – uzaq merzimdi kezeńde naqty kiristilik alý. Jınaqtaýshy zeınetaqy júıesiniń ornyqtylyǵy turǵysynan uzaq ýaqyt kezeńindegi kiristilik pen ınflıatsııa kórsetkishterin qarastyrǵan jón.
2023 jyly BJZQ zeınetaqy aktıvteriniń kiristiligin arttyrý boıynsha josparlanǵan sharalar týraly
BJZQ zeınetaqy aktıvterin ınvestıtsııalaý sońǵy 2 jylda salymshylardyń óz zeınetaqy jınaqtarynyń bir bóligin merziminen buryn alýymen shekteldi, olardyń kólemi 2021 jylǵy aqpannan bastap shamamen
3,5 trln teńgeni qurady.
Zeınetaqy aktıvteriniń qazirgi mólsherin jáne olardyń jyl saıynǵy ósimin eskere otyryp, aktıvterdiń osyndaı edáýir kólemin basqarý portfeldi tıisti túrde ártaraptandyrýdy talap etedi. Bul ınvestıtsııalardyń geografııasy men qarjy quraldarynyń tizimin keńeıtýge, ınvestıtsııalyq portfeldiń sapasy men ótimdiligin, sondaı-aq uzaq merzimdi kezeńdegi kiristilikti arttyrýǵa múmkindik beretin valıýtalyq pozıtsııany qoldaýdy da qamtıdy.
BJZQ aktıvterin ártaraptandyrý týraly
Bıyl biz BJZQ zeınetaqy aktıvterin ártaraptandyrýdy, onyń ishinde valıýtalyq pozıtsııany shamamen 30% deńgeıinde ustap turý esebinen ártaraptandyrýdy jalǵastyramyz. 2016 jyldan bastap zeınetaqy aktıvteriniń valıýtalyq úlesi 17%-dan 2019 jyly 33%-ǵa deıin kezeń-kezeńimen ulǵaıtyldy. 2022 jyldyń qorytyndysy boıynsha, BJZQ portfelindegi valıýtalyq aktıvterdiń úlesi zeınetaqy aktıvteriniń ósýi aıasynda, onyń ishinde ınvestıtsııalyq kiris esebinen tómendep, 28,4%-dy qurady.