BJZQ zeınetaqy aktıvteri 14,8 trln teńgege jetti
Bul týraly QR Ulttyq banki tóraǵasynyń orynbasary Berik Sholpanqulov búgingi Úkimet otyrysynda aıtty.
«Biryńǵaı jınaqtaýshy zeınetaqy qorynyń zeınetaqy aktıvteri jyl basynan bastap 224 mlrd teńgege nemese 1,5%-ǵa ulǵaıyp, qańtar aıynyń sońynda 14,8 trln teńgeni qurady. Jyl basynan bastap ınvestıtsııalyq kiris kólemi 66,2 mlrd teńge, zeınetaqy jarnalary – 156,1 mlrd teńge, zeınetaqy tólemderi – 21 mlrd teńge, merziminen buryn alý somasy – 11,4 mlrd teńge boldy», - dedi Ulttyq bank ókili.
Spıkerdiń aıtýynsha, zeınetaqy aktıvteriniń jınaqtalǵan kiristiligi shoǵyrlandyrylǵan sátten bastap 116,9%-dy qurady.
Aıta keteıik, qańtar aıynda teńgeniń dollarǵa qatysty baǵamy 460,52 teńgege deıin 0,5%-ǵa nyǵaıdy. Teńge baǵamy álemdik naryq pen geosaıası jaǵdaılarǵa baılanysty bolady.
Sonymen birge, Qazaqstanda iskerlik belsendilik jaqsara bastady.