BJZQ zeınetaqy jınaǵynyń eń tómengi jetkiliktilik shegin 10 paıyz kóterdi

ASTANA. KAZINFORM — Biryńǵaı jınaqtaýshy zeınetaqy qory zeınetaqy jınaqtarynyń 2026 jylǵa arnalǵan eń tómengi jetkiliktilik shegin jarııalady.

— Zeınetaqy jınaqtarynyń eń tómengi jetkiliktilik shegi aǵymdaǵy jáne boljamdy áleýmettik-ekonomıkalyq kórsetkishterge, eń tómengi zeınetaqy mólsherine, eń tómengi jalaqyǵa, eń tómengi kúnkóris deńgeıine, sondaı-aq ınflıatsııa men ınvestıtsııalyq kiristilikke súıene otyryp esepteledi, — dep jazady BJZQ resmı saıty.

TJSh esepteý kezinde 2026 jylǵa arnalǵan myna áleýmettik-ekonomıkalyq kórsetkishter paıdalanylǵan:

1. eń tómengi jalaqy mólsheri — 85 000 teńge;
2. zeınetaqynyń eń tómengi mólsheri — 69 049 teńge;
3. eń tómengi kúnkóris deńgeıi — 50 851 teńge.

— Osylaısha 2026 jyly TJSh mólsheri orta eseppen 10% ósti. Bul jalpy ınflıatsııanyń aǵymdaǵy jáne boljamdy mánderine sáıkes keledi, — delingen resmı málimette.

2026 jylǵa arnalǵan mınımaldy jetkiliktilik jańa shekteriniń kórinisi tómendegideı:

Jasy	Zeınetaqy jınaqtarynyń tómengi jetkiliktiliginiń shegi, teńge	Jasy	Zeınetaqy jınaqtarynyń tómengi jetkiliktiliginiń shegi, teńge
20	3 720 000	40	6 720 000
21	3 850 000	41	6 890 000
22	3 990 000	42	7 070 000
23	4 120 000	43	7 250 000
24	4 260 000	44	7 430 000
25	4 390 000	45	7 610 000
26	4 530 000	46	7 800 000
27	4 680 000	47	7 990 000
28	4 820 000	48	8 180 000
29	4 970 000	49	8 370 000
30	5 120 000	50	8 570 000
31	5 270 000	51	8 770 000
32	5 420 000	52	8 970 000
33	5 570 000	53	9 180 000
34	5 730 000	54	9 390 000
35	5 890 000	55	9 600 000
36	6 050 000	56	9 810 000
37	6 220 000	57	10 030 000
38	6 380 000	58	10 250 000
39	6 550 000	59	10 480 000
-	-	60-62	10 700 000

2026 jylǵa salymshynyń jasyna qaraı jetkiliktik shegi qalaı belgilengenin myna jerden kórýge bolady. 

Buǵan deıin zeınetaqy jınaǵyndaǵy artylǵan aqshaǵa kóz emdeý toqtatylǵanyn jazǵan edik.