BJZQ VS IPB: Zeınetaqy jınaǵyn Ulttyq bankten senimgerlik basqarýǵa áketý kórsetkishi 22 kúnde 70% artty
ASTANA. KAZINFORM – Qyrkúıek aıynyń alǵashqy 22 kúninde aralyǵynda ınvestıtsııalyq portfeldi basqarýshy kompanııalarǵa Ulttyq bankten 19,42 mlrd teńge zeınetaqy aktıvi aýdarylǵan. Bul soma tamyz aıynda jasalǵan aýdarym kóleminen 70,3 paıyz kóp. Biryńǵaı jınaqtaýshy zeınetaqy qorynyń Kazinform saýalyna bergen jaýabynda osyndaı derek bar.
Mundaı ósimge 7 qyrkúıekten bastap BJZQ jınaqtaryn 100 paıyzǵa deıin ınvestıtsııalyq kompanııalardyń senimgerlik basqarýyna berý múmknidiginiń paıda bolýy túrtki bolyp otyr.
BJZQ málimetinshe, 1-22 qyrkúıek aralyǵynda Ulttyq bankten IPB-larǵa jalpy somasy 19,425 mlrd teńge bolatyn 16 664 aýdarym jasalǵan. Bul – 15 289 salymshynyń jınaǵy.
Salystyryp qarasaq, 1-31 tamyz aralyǵynda IPB-larǵa Ulttyq bankten 11,409 mlrd teńge aýdarylǵan. Sol kezeńde 12 912 aýdarym jasalyp, biregeı salymshylar sany 12 215 bolǵan.
Osylaısha, qyrkúıektiń 22 kúnindegi aýdarym kólemi tamyzdyń tolyq aıyndaǵy kórsetkishten 70,3 paıyz joǵary bolyp otyr. Aýdarymdar sany da artqan: tamyzdaǵy 12 912 operatsııa jasalsa, qyrkúıekıtiń 22 kúninde 16 664 operatsııa tirkelgen (29,1 paıyz kóp).
Biregeı salymshylar sany qyrkúıektiń 22 kúninde 15 289 adamǵa jetip, tamyzdaǵy 12 215 adamnan 25,2 paıyz joǵary boldy.
Qyrkúıektegi qarajattyń eń kóp kólemi Halyk Finance-ke aýdarylǵan – 6,003 mlrd teńge. Odan keıin «Sentras Sekıýrıtız» – 6,172 mlrd teńge, BCC Invest – 3,438 mlrd teńge, Alatau City Invest – 3,376 mlrd teńge jáne Tansar Capital – 435,9 mln teńge.
Buǵan deıin BJZQ jınaǵyn túgel jeke basqarýshylarǵa bergisi keletin qazaqstandyqtar neni bilý kerek ekenin jazǵan edik.
