BJZQ VS IPB: 10,5 myń qazaqstandyq zeınetaqy jınaǵyn túgel senimgerlik basqarýǵa berýdi suraǵan
ASTANA. KAZINFORM – Zeınetaqy jınaǵyn BJZQ-dan senimgerlik basqarýǵa túgel berý ruqsaty kúshine engen alǵashqy 15 kúnde 10 myń ótinish ıesi jınaqtarynyń 100 paıyzyn jeke basqarýǵa berýdi suraǵan. Mundaı ótinishterde kórsetilgen qarajat kólemi 28,2 mlrd teńgege jetti.
Bul týraly Biryńǵaı jınaqtaýshy zeınetaqy qory Kazinform saýalyna bergen jaýabynda aıtqan.
BJZQ málimetinshe, kórsetilgen kezeńde qor salymshylarynan zeınetaqy jınaqtaryn IPB-ge basqartý týraly shamamen 39,87 myń ótinish qabyldanǵan. Sonyń ishinde shamamen 10,5 myń ótinish ıesi jınaqtyń tolyq kólemin jeke basqarýshynyń senimgerlik basqarýyna berýdi suraǵan. Bul barlyq ótinishterdiń 26,3 paıyzyna teń. Al mundaı ótinishterde kórsetilgen soma jalpy IPB-ge suratylǵan 69,07 mlrd teńgeniń shamamen 40,8 paıyzyn alyp tur (28,2 mlrd teńge).
Osylaısha, alǵashqy 15 kúnde ótinish túsirgen árbir tórtinshi salymshy zeınetaqy jınaǵyn túgel IPB basqarýyna berýge nıet bildirgen.
BJZQ bul somalardyń ázirge naqty aýdarylǵan qarajat ekenin eske salady. Qordyń jaýabynda ótinishti qaraý jáne qarajatty IPB-ǵa aýdarý merzimi 30 kúntizbelik kún ekeni kórsetilgen.
Buǵan deıin BJZQ jınaǵyn túgel jeke basqarýshylarǵa bergisi keletin qazaqstandyqtar neni bilý kerek ekenin jazǵan edik.
