BJZQ saıttaǵy aqaýdyń sebebin túsindirdi

NUR-SULTAN. QazAqparat – Birjolǵy zeınetaqy tólemin alýdyń shekti mólsheri ózgertilgeni týraly aqparat taraǵan sátten bastap Biryńǵaı jınaqtyq zeınetaqy qorynyń resmı saıtyndaǵy salymshynyń jeke kabınetine kirý qıyndaǵany týraly shaǵymdar tarady. BJZQ baspasóz qyzmeti aqaý joıylyp, qazir saıt múltiksiz jumys istep turǵanyn málim etti, dep habarlaıdy QazAqparat tilshisi.

«Qordyń qoǵamman jumys qyzmeti ol aqaýdy joıdy. Salymshylardyń saıtqa bir ýaqytta jappaı kirýinen kedergiler paıda bolǵan. Sondyqtan mamandarymyz saıttyń tehnıkalyq múmkindikterin keńeıtip, ol aqaýdy joıdy. Qazir saıtqa kirý, salymshynyń jeke kabınetine ótý qyzmetteri qalypty rejımde jumys istep tur», - dep túsindirdi BJZQ baspasóz qyzmeti.

Eske salsaq, birańǵaı zeınetaqy tólemin alýdyń shekti mólsheri 2022 jyldan bastap 1,8 ese artatyn boldy.

QR Eńbek jáne halyqty áleýmettik qorǵaý mınıstrligi onyń sebebin keler jyldan bastap eldegi eń tómengi jalaqynyń 41 paıyz óskenimen baılanystyryp otyr.