BJZQ problemalyq salymdardyń úlesi týraly aıtyp berdi
«Biryńǵaı jınaqtaýshy zeınetaqy qory» AQ Basqarma tóraǵasynyń orynbasary Sáýle Egeýbaevayń málimdeýinshe, 2016 jyldyń 1 maýsymynda problemalyq salymdardyń úlesi nomınaldyq quny boıynsha 45 mlrd teńge bolǵan.
«Búginde 21 emıtenttiń, ıaǵnı bizge qosylǵan 21 jekemenshik zeınetaqy qorynyń problemalyq salymdary bolyp otyr. Olar ózderiniń qaryzdaryn grafık boıynsha tólep keledi. Jyl basynan beri qaryzdy qaıta qurylymdaý arqyly 80 mln teńge qaıtaryldy. Jospar boıynsha olar bizge 2021 jyly tolyq tólep bitedi», - dedi Sáýle Egeýbaeva.
BJZQ ókilderi zeınetaqy aktıvteriniń 67%-yn AAA men VVV- reıtıngisi bar qarjylyq quraldarǵa, al 16% AA+ pen AA- reıtıngisi bar quraldarǵa, 13% reıtıngisi joq quraldarǵa salynǵanyn jetkizdi.
«QR Zeınetaqymen qamsyzdandyrý týraly zańy boıynsha aktıvterdi senimdi basqarý Ulttyq banktiń quzyrynda. Sondyqtan, ınvestıtsııalyq qyzmet týraly túsinikteme bere almaımyz. Jyl basynan bergi taza ınvestıtsııalyq tabys 114,4 mlrd teńge boldy. Ol somany salymshylardyń shotyna saldyq», - dedi S.Egeýbaeva.