BJZQ ortasha zeınetaqy tóleminiń mólsherin atady
ASTANA. KAZINFORM — Qazaqstandyqtardyń «BJZQ» AQ-daǵy zeınetaqy jınaqtarynyń kólemi 2026 jyldyń 1 qyrkúıegine 28,47 trln teńgeden asty. 12 aıdaǵy ósim – 3,36 trln teńge nemese 13,4%.
2026 jyldyń 1 qyrkúıegindegi jaǵdaı boıynsha mindetti zeınetaqy jarnalarynan qalyptasqan zeınetaqy jınaqtarynyń kólemi — 26,37 trln teńge, 12 aıda 2,53 trln teńgege nemese 10,6% ósti.
Mindetti kásiptik zeınetaqy jarnalary (MKZJ) esebinen qalyptastyrylǵan zeınetaqy jınaqtary 12 aıda 5,0%-ǵa ulǵaıyp, 746,13 mlrd teńge boldy.
Erikti zeınetaqy jarnalary boıynsha jınaq kólemi de ulǵaıdy: 2026 jylǵy 1 qyrkúıekke onyń kólemi 10,43 mlrd teńge bolyp, 12 aıda 7,1% ósim kórsetti.
— Salymshylardyń (alýshylardyń) zeınetaqy shottaryna 2024 jylǵy 1 qańtardan túse bastaǵan jumys berýshiniń mindetti zeınetaqy jarnalary 12 aı ishinde 2,5 esege ulǵaıyp, 2026 jyldyń 1 qyrkúıegine 1 348,82 mlrd teńge boldy.
Zeınetaqy jınaqtarynyń kólemi zeınetaqy jarnalary men ınvestıtsııalyq kiris túrindegi kiris aǵyndary esebinen ulǵaıady. 2026 jyldyń 8 aıynda salymshylardyń jeke jáne shartty zeınetaqy shottaryna 2 439,42 mlrd teńge tústi, ótken jyldyń sáıkes kezeńindegi kórsetkishten 15,9%-ǵa (nemese 334,44 mlrd teńgege) artyq, — delingen habarlamada.
MZJ esebi júrgiziletin jeke zeınetaqy shottaryna (JZSh) 2026 jyldyń basynan bastap 2026 jylǵy 1 qyrkúıekke deıin 1 865,85 mlrd teńge (ótken jyldyń sáıkes kezeńimen salystyrǵanda MZJ kólemi 8,1%-ǵa ulǵaıdy), MKZJ — 100,97 mlrd teńge (ósim — 12,3%), EZJ — 1412,37 mln teńge tústi. Jyl basynan bastap 01.09.2026j. jaǵdaı boıynsha JMZJ esebinen jarnalar 471,18 mlrd teńge boldy.
Jyl basynan beri salymshylardyń shottaryna túsken taza ınvestıtsııalyq kiris 01.09.2026j. jaǵdaı boıynsha 1198,09 mlrd teńge.
2026 jylǵy qańtar-tamyz aılarynda BJZQ-dan jarnalardyń barlyq túrleri boıynsha jasalǵan tólemder men saqtandyrý uıymdaryna aýdarymdar 1242,35 mlrd teńge.
— Zeınet jasyna tolýyna baılanysty tólemder 196,23 mlrd teńgege jetti. BJZQ-dan zeınet jasyna tolýyna baılanysty keste boıynsha beriletin ortasha aılyq tólem — 39 008 teńge, — delingen habarlamada.
2026 jyldyń basynan bastap 01.09.2026 jylǵa turǵyn úı jaǵdaılaryn jaqsartýǵa jáne emdelýge arnalǵan birjolǵy zeınetaqy tólemderi (BZT) 462,75 mlrd teńge, muragerlik boıynsha 70,61 mlrd teńge, QR-dan tys jerge turaqty turýǵa ketýge baılanysty 33,62 mlrd teńge, múgedektigi bar adamdarǵa — 2,32 mlrd teńge, jerleýge — 6,33 mlrd teńge kóleminde tólem jasaldy. Saqtandyrý uıymdaryna 470,49 mlrd teńge aýdaryldy.
Aıta ketelik 2027 jyldyń 1 qańtarynan bastap Qazaqstanda zeınetaqy jınaqtarynyń saqtalýyna beriletin memlekettik kepildikti júzege asyrý tártibi ózgeredi.
