BJZQ-nyń zeınetaqy aktıvteri boıynsha ınvestıtsııalyq kirisi 2016 jyly 531 mlrd. teńgeni qurady
ALMATY. QazAqparat - 2016 jyldyń qorytyndysy boıynsha zeınetaqy aktıvterindegi ınvestıtsııalyq kiris 531 mlrd. teńgeni qurady, dep habarlaıdy «QazAqparat» tilshisi QR Ulttyq Banki tóraǵasynyń orynbasary Ǵalymjan Pirmatovtyń sózine silteme jasaı otyryp.
«Osylaısha, ótken jyl boıy BJZQ-nyń zeınetaqy aktıvteri boıynsha ortasha alynǵan aı saıynǵy kiris 44,3 mlrd. teńge deńgeıinde boldy», dedi QR Ulttyq Banki tóraǵasynyń orynbasary.
Onyń aıtýynsha,2016 jylǵy 12 aıda zeınetaqy aktıvteriniń 848,7 mlrd. teńgege 6,7 trln. teńgege deıin ulǵaıǵan. Bul rette bul ósimniń 62,6%-yn alynǵan ınvestıtsııalyq kiris quraǵan.
2017 jylǵy 1 qańtardaǵy jaǵdaı boıynsha «BJZQ» AQ salymshylarynyń zeınetaqy jınaqtary 6 685,3 mlrd. teńge bolǵan. Onyń ishinde 5 334,9 mlrd. teńge (80%) mólsherindegi zeınetaqy jarnalary, 1 350,4 mlrd. teńge (20%) mólsherindegi somany ınvestıtsııalyq kiris qurady.
«BJZQ» AQ qurylǵan sátten bastap, saqtandyrý uıymdaryna aýdarymdardy qosa alǵanda, salymshylarǵa tólengen zeınetaqy tólemderiniń kólemi 410,6 mlrd. teńgeni qurady.
Sondaı-aq Ǵ. Pirmatov ınvestıtsııalyq kiristi esepteý kún saıyn júzege asyrylatynyn aıtty.
