BJZQ-nyń eks-basshysy Rýslan Erdenaevqa kesilgen úkim ózgerissiz qaldy
ALMATY. QazAqparat - Almaty soty Biryńǵaı jınaqtaýshy zeınetaqy qorynyń eks-basshysy Rýslan Erdenaevtyń apellıatsııalyq shaǵymyn ózgerissiz qaldyrdy, dep habarlaıdy QazAqparat tilshisi.
Erdenaevten basqa Medetbekov, Bahtov, Kenjebaev, Naızaǵarın jáne Turtaevtardyń apellıatsııalyq shaǵymy ózgerissiz qaldy.
Eske salsaq, Erdenaev qalalyq sot úkimimen senip tapsyrylǵan bóten múlikti ıelenip, para alǵany úshin kináli dep tanylǵan bolatyn. Sot ony 12 jylǵa bas bostandyǵynan aıyryp, qylmystyq-atqarý júıesi mekemelerinde jazasyn óteýge úkim shyǵarǵan.
Sondaı-aq aıyptalýshynyń alǵan 400 myń AQSh dollary (132 mln tenge) kólemindegi parasyn tárkileýge sheshim shyǵarylǵan. Qalǵan kináliler qylmystyq is boıynsha 7-den 11 jylǵa deıin bas bostandyǵynan aıyryldy jáne taǵy bir sottalýshy raqymshylyqqa ilininip, bostandyqqa shyqqan edi.
