BJZQ-nyń burynǵy basshysyn qamaýda ustaý merzimi 1 aıǵa uzartyldy
ALMATY. QazAqparat - Biryńǵaı jınaqtaýshy zeınetaqy qorynyń qarjysyn jymqyrdy dep aıyptalyp otyrǵandarǵa qatysty tergeý amaldary boıynsha olardy qamaýda ustaý merzimi bir aıǵa uzartyldy, dep habarlaıdy QazAqparat tilshisi Almaty qalalyq sotyna silteme jasaı otyryp.
BJZQ isine qatysty kúdiktilerdi qamaýda ustaý merzimi 8 aıǵa deıin uzartyldy. Sot sheshimimen «BJZQ» AQ eks-tóraǵasy Rýslan Erdenaevqa, BJZQ-nyń Táýekelderdi basqarý departamenti qarjylyq táýekelder basqarmasynyń burynǵy basshysy Musa Bahtovqa, «Alataý Munaı Altyn» kompanııasynyń basshysy B.Kenjebaevqa, «Býzgýl Aýrým» JShS basshysy A.Naızaǵarınge qatysty bultartpaý sharasyn ózgertip, qamaý merzimin 8 aıǵa uzartý týraly sheshim shyǵardy.
Kúdiktiler sot bastalǵansha qamaýda 28 tamyzǵa deıin otyratyn boldy.
Іske qatysy bar dep tanylǵan «MegatransAzııa» JShS-nyń basshysy Talǵat Turtaev sotqa deıin taǵy 1 aı, ıaǵnı 23 tamyzǵa deıin qamaýda bolmaq. Atalǵan tulǵalardyń barlyǵy QR QK 189-babynyń 4-bólimi boıynsha aıyptalyp otyr
Buǵan deıin BJZQ AQ basqarma tóraǵasynyń burynǵy orynbasary Dabyr Medetbekovke qatysty bultartpaý sharasy ózgertilgen, naqtyraq aıtqanda ony qamaýda ustaý merzimi 8 tamyzǵa deıin uzartylǵan bolatyn.
