BJZQ-nyń básekelesteri paıda bolýy múmkin
«Biz birqatar usynystarǵa bastamashylyq etip, olardy Úkimettiń qaraýyna engizdik. Bizdiń oıymyzsha, árbir adam basqarýshy kompanııany tańdaý múmkindigine ıe bolýy úshin básekelestikti qalpyna keltirý qajet. ıAǵnı azamattar ózderiniń zeınetaqy jınaqtaryn basqartýǵa senim bildirip, sáıkesinshe, ol ınvestıtsııalaý strategııasyn tańdaı alady. Bul rette adamda tańdaý jasaý múmkindigi bolady. Eger oǵan Ulttyq bank unamasa, onda jeke kompanııaǵa bara alady. Bul biz usynyp otyrǵan bazalyq ustanym»,-dedi ol Astana ekonomıkalyq forým aıasynda ótken baspasóz máslıhatynda.
Sonymen qatar Aqyshev ótken qatelikterge jol bermeý kerektigin aıtty.
Onyń sózine qaraǵanda, ol úshin azamattardyń aqshasyn basqarýǵa qabyldaıtyn qatysýshylardy retteýdi qatańdatý qajet.
«Bul turǵyda naryqqa tek turaqty ári kapıtaldanýy joǵary oıynshylardyń ǵana kirýin iske asyrýǵa daıynbyz. Olar ózderine azamattarymyzdyń zeınetaqylyq qarjysyn basqarý boıynsha joǵary jaýapkershilikti alýǵa qaýqarly bolýy tıis. Osy oraıda ornyqty ınvestorlar tartylady. Qazirgi tańda bunyń barlyǵy talqylaýdy qajet etedi. Tıisti usynystardy Úkimetke joldadyq. Ázirge jaýap alǵan joqpyz»,-dedi UB basshysy.
Sonymen birge ol joǵarydaǵy usynystar burynǵy zeınetaqy modeline qaıta oralýdy bildirmeıtinin atap ótti.
«Menińshe, «jalǵyz tereze» ınstıtýty bolyp tabylatyn BJZQ burynǵysynsha qalady. Adamdar BJZQ-men qosymsha shartty bekitý múmkindigin oılastyrýdamyz. BJZQ aqshany Ulttyq banktiń basqarýyna bere alady, al basqarýshy kompanııany salymshy ózi tańdaıdy»,-dep túıindedi sózin Aqyshev.