BJZQ-nyń ınvestıtsııalyq tabysy 81,4 paıyzǵa artty

ASTANA. KAZINFORM – 2024 jyldyń qańtar-shilde aılarynda «Biryńǵaı jınaqtaýshy zeınetaqy qory» AQ-tyń taza ınvestıtsııalyq kirisi 1,38 trln teńgege jetip, 81,4 paıyzǵa artty. Bul týraly qordyń baspasóz qyzmetinen málim etti.

«2024 jyldyń 7 aıynda qazaqstandyqtardyń taza ınvestıtsııalyq kirisi 1,38 trln teńgeden asty. Bul ótken jyldyń sáıkes kezeńindegi kórsetkishten 619,3 mlrd teńgege nemese 81,4 paıyzǵa artyq», - delingen BJZQ aqparatynda.

Qor málimetinshe, 2024 jyldyń 7 aıynda BJZQ-daǵy mindetti zeınetaqy jarnalary, mindetti kásiptik zeınetaqy jarnalary, erikti zeınetaqy jarnalary esebinen qalyptasqan zeınetaqy aktıvteriniń kiristiligi osy kezeńdegi ınflıatsııa 4,7 paıyz bolǵan kezde 7,51 paıyzdy kórsetti. Zeınetaqy aktıvteriniń jyldyq kiristiligin qarastyratyn bolsaq, onda ol 2024 jylǵy 1 tamyzdaǵy jaǵdaı boıynsha 12,72 paıyzdy, al ınflıatsııa 8,6 paıyzdy qurady.

2024 jylǵy 1 tamyzdaǵy jaǵdaı boıynsha BJZQ-nyń jumys berýshiniń mindetti zeınetaqy jarnalary esebinen qalyptastyrylǵan zeınetaqy aktıvteriniń kiristiligi 2,53 paıyz boldy.

Osyǵan deıin qazaqstandyqtardyń zeınetaqy jınaqtary 20 trln teńgege jetkenin jazdyq.