BJZQ-nyń ınvestıtsııalyq tabysy 11,15 trln teńgeden asty

2026 jylǵy 1 shildedegi jaǵdaı boıynsha 01.04.2014 jyldan (zeınetaqy aktıvteri BJZQ-ǵa biriktirilgennen keıin) bastap jınaqtalǵan QRUB tapqan taza ınvestıtsııalyq tabys 11,15 trln teńgeden asty. Onyń salymshylardyń (alýshylardyń) zeınetaqy jınaqtarynyń jalpy kólemindegi úlesi júrgizilgen tólemder esebimen birge 41,4% boldy, bul ınvestıtsııalyq kiristiń azamattardyń zeınetaqy jınaqtarynyń ulǵaıýyna eleýli úlesin rastaıdy.

QRUB-tyń mindetti zeınetaqy jarnalary, mindetti kásiptik zeınetaqy jarnalary, erikti zeınetaqy jarnalary esebinen zeınetaqy aktıvterin basqarý jónindegi ınvestıtsııalyq qyzmetiniń nátıjesinde 2025 jyldyń shildesinen bastap 2026 jyldyń maýsymyna deıingi 12 aıda eseptelgen ınvestıtsııalyq kiristiń mólsheri shamamen 2,51 trln teńge boldy, osy kezeńdegi kiristilik 10,29% boldy.

Jumys berýshiniń mindetti zeınetaqy jarnalary (JMZJ) esebinen 2026 jylǵy 1 shildedegi jaǵdaı boıynsha sońǵy 12 aıda eseptelgen ınvestıtsııalyq kiris 122,77 mlrd teńge boldy, kiristilik 16,84%.

Eske sala keteıik, zeınetaqy aktıvteriniń jekelegen qysqa merzimdi kezeńderdegi kiristiligi olardy uzaq merzimdi basqarý tıimdiliginiń kórsetkishi bola almaıdy. Kiristilik deńgeıi qarjy quraldarynyń, valıýta baǵamdarynyń jáne kezeńnen kezeńge deıingi ózge de kórsetkishterdiń naryqtyq qunynyń qubylmalylyǵyna baılanysty ekenin atap ótý mańyzdy. Sondyqtan ınvestıtsııalyq kiristiń mólsherin obektıvti taldaýdy uzaq merzimdi kezeńge jasaǵan jón.

1998 jyly jınaqtaýshy zeınetaqy júıesi qurylǵan sátten bastap jınaqtalǵan ınvestıtsııalyq kiristilik 2026 jylǵy 1 shildedegi jaǵdaı boıynsha óspeli qorytyndymen búkil kezeńdegi 995,04% ınflıatsııa kezinde 1 109,05% boldy.

Esterińizge sala keteıik, salymshylar zeınetaqy aktıvteriniń bir bóligin (mindetti zeınetaqy jarnalary esebinen zeınetaqy jınaqtarynyń 50%-na deıin jáne erikti zeınetaqy jarnalary esebinen zeınetaqy jınaqtarynyń 100%-na deıin) retteýshiniń talaptaryna sáıkes keletin jeke ınvestıtsııalyq portfeldi basqarýshyǵa (IPB) basqarýǵa aýdarýǵa quqyly.

Bul rette salymshylar IPB jumys isteıtin úsh ınvestıtsııalyq portfeldiń birin tańdaı alady:

• jasyna qaramastan barlyq salymshylarǵa sáıkes keletin Ki (12) portfeli. Ol boıynsha eń tómengi kiristilik deńgeıi sońǵy 12 aıda baǵalanady;

• Ki (36) portfeli, ol zeınetke shyqqanǵa deıin keminde 3 jyl qalǵandarǵa arnalǵan. Kiristiliktiń eń tómengi deńgeıi 36 aıdyń qorytyndysy boıynsha baǵalanady;
• uzaq merzimdi kókjıegi (zeınetkerlikke shyqqanǵa deıin 13 jyldan astam) bar salymshylarǵa arnalǵan Ki (60) portfeli. Eń tómengi kiristilik deńgeıi 60 aı ishinde anyqtalady.

Aıta ketelik Qazaqstanda zeınetaqy jınaqtaryn basqarýdyń jańa tártibi túsindirilgen edi.