BJZQ-nyń 1,5 trln teńgesin «Samuryq-Qazyna» jobalaryna berýdi usynyldy

ASTANA. KAZINFORM – Ulttyq ekonomıka mınıstrligi Investıtsııalyq saıasat departamentiniń dırektory Álııa Esdáýletova Biryńǵaı jınaqtaýshy zeınetaqy qorynyń 1,5 trln teńgesin energetıkalyq jobalarǵa jumsaý máselesi qarastyrylyp jatqanyn aıtty.

Onyń sózinshe, Ekonomıkany jańǵyrtý jónindegi memlekettik komıssııanyń sheshimi boıynsha kvazımemlekettik kompanııalardyń jobalaryn qarjylandyrýǵa BJZQ esebinen 1,5 trln salý usynysy qoldaý tapqan.

- Sonymen qatar búginde «Samuryq-Qazynanyń» elektr energııasyn óndirý jáne gaz óńdeý salasyndaǵy jobalaryna jalpy somasy 1,5 trln teńge ınvestıtsııalaý máselesi pysyqtalyp jatyr, - dedi Álııa Esdáýletova.

Sondaı-aq, ol BJZQ qarajaty «Báıterektiń» oblıgatsııalaryna salynǵanyn eske saldy.

- Búgingi tańda «Báıterek» oblıgatsııalary Qazaqstan qor bırjasynyń alańyna shyǵarylǵan. Ónerkásipti damytý qorynyń kólik ınfraqurylymy salasyndaǵy jobalaryn qarjylandyrýǵa 173 mlrd teńge baǵyttalǵan. Agroónerkásip kesheni jobalaryn qarjylandyrýǵa 213 mlrd teńge baǵyttaldy, - dedi UEM ókili.

Buǵan deıin Ulttyq bank tóraǵasynyń orynbasary Aqyljan Baımaǵambetov Biryńǵaı jınaqtaýshy zeınetaqy qorynyń aqshasy qandaı jobalarǵa ınvestıtsııalanatynyn aıtqan edi.