BJZQ qorynan temirjol salasyna qarjy bólinedi degen aqparat tekseriledi

ASTANA. QazAqparat - Biryńǵaı jınaqtaýshy zeınetaqy qorynyń janyndaǵy qoǵamdyq keńes «BJZQ-nan temirjol salasyn sýbsıdııalaý úshin 50 mlrd teńge kóleminde qarjy alynady» degen aqparatty tekserip jatyr. Bul týraly Dosym Satpaev habarlap otyr.

«BJZQ-nan  temirjol salasyn sýbsıdııalaý úshin 50 mlrd teńge qarjy alynady degen aqparat tarady. Sondyqtan, BJZQ janyndaǵy qoǵamdyq keńes Ulttyq bank pen BJZQ-na salymshylardyń múddesine qarsy sheshim týraly arnaıy saýal daıyndap jatyr», - dep jazdy Dosym Satpaev.

Dosym Satpaevtyń aıtýynsha, Qoǵamdyq keńes arnaıy saýalynyń mátinin búgin Feısbýk áleýmettik jelisindegi «BJZQ Qoǵamdyq keńesi» atty topqa jarııalaıtynyn aıtty.

Buryn habarlanǵandaı, Dosym Satpaev BJZQ janyndaǵy qoǵamdyq keńestik tóraǵasy bolyp taǵaıyndalǵan.