BJZQ «Qazatomónerkásip» aktsııalarynyń arqasynda 21 mlrd teńge tabys tapty

NUR-SULTAN. QazAqparat - Elimizdiń Biryńǵaı jınaqtaýshy zeınetaqy qory «Qazatomónerkásip» aktsıoneri bolýynyń arqasynda 21 mlrd teńge tabys tapty. Bul týraly búgin XII Kazenergy Eýrazııalyq forýmynda «Samuryq-Qazyna» UÁQ« AQ basqarmasynyń tóraǵasy Ametjan Esimov aıtty, dep habarlaıdy QazAqparat tilshisi.

«Biz ınnovatsııalyq sheshimderdi belsendi engizip, qosymsha qun qalyptastyryp, óndiristik tıimdilikti arttyryp jatyrmyz. Qor Úkimet bekitken jekeshelendirýdiń aýqymdy baǵdarlamasyn júzege asyrýda. Onyń maqsaty - Ulttyq qordy molyqtyrý, korporatıvtik basqarýdyń aldyńǵy qatarly tájirıbesin engizý, álemtik standarttardy, ashyqtyq pen eseptilikti qamtamasyz etý. Sońǵy jyldary yellow pages prıntsıpine sáıkes básekelestik ortaǵa 89 kásiporyn shyǵarylyp, 192 mlrd teńge túsim alyndy. ІRO-ǵa energetıka jáne telekommýnıkatsııa, ınfraqurylym salalaryndaǵy ulttyq operator sanalatyn qordyń 8 kompanııasyn shyǵarý josparlanǵan», - dedi Ahmetjan Esimov.

Osy oraıda qor basshysy ótken jyly Qazatomónerkásip kompanııasynyń aktsııalary ІRO-ǵa tabysty shyǵarylǵanyn, álemdik deńgeıdegi ınstıtýttyq ınvestorlar, elimizdiń zeınetaqy qory aktsıoner atanǵanyn eske saldy.

«Ótken jyldyń qarashasynda ornalastyrylǵannan bergi ýaqytta kompanııanyń naryqtyq quny 3 mlrd dollardan 4 mlrd dollarǵa deıin ósip, zeınetaqy qorynyń tabysy 21 mlrd teńgeni qurady. Bul qor tarıhyndaǵy eń tabysty aqsha salymy bolyp esepteledi. Sonymen qatar Ulttyq qorǵa 168 mlrd teńge tústi», - dedi ol.