BJZQ: Qazaqstandyqtarǵa turǵyn úı jaǵdaılaryn jaqsartý úshin 350 mlrd teńge aýdaryldy
ALMATY. QazAqparat - Biryńǵaı jınaqtaýshy zeınetaqy qoryna 104 myńnan astam azamattan ótinish tústi. Bul múmkindikti 700 myńǵa jýyq qazaqstandyq qoldana alady, dep habarlaıdy QazAqparat tilshisi.
Bul týraly Biryńǵaı jınaqtaýshy zeınetaqy qorynyń baspasóz qyzmeti málimdedi.
10 aqpandaǵy jaǵdaı boıynsha BJZQ-ǵa «Otbasy banki» men «Qazaqstannyń Halyq banki» (operatorlar) arqyly 104 076 ótinish túsken. Zeınetaqy qorynda jetkiliktilik shegi bar azamattar baspana jaǵdaıyn jaqsartpaq.
Osy ótinishterdiń 6,8-i óńdelip jatyr. Operatorlar shotyna 36,8 mlrd teńge jiberiledi. 32,8 myń ótinish zańnama talabyna saı kelmegendikten, qarastyrylmaıdy.
Jalpy somasy 350 mlrd teńgege 64,3 myń ótinish maquldandy. Tólemniń ortasha somasy - 5,4 mln teńge.
Birjolǵy zeınetaqy tólemderdi alýǵa berilgen ótinishterdiń basym bóligi burynǵysynsha Almaty (20, 6%), Nur-Sultan (16,7%) jáne Mańǵystaý oblysynyń (14,6%) turǵyndarynan kelip túsýde.
