BJZQ: Qazaqstandyqtardyń zeınetaqy jarnalary 30 paıyzǵa jýyq ósti
QR Biryńǵaı jınaqtaýshy zeınetaqy qory ()Zeınetaqy jınaqtarynyń negizgi bóligi mindetti zeınetaqy (BJZQ) jarnalary (MZJ) esebinen 12,7 trln teńgeni qurady.
Mindetti kásiptik zeınetaqy jarnalary (MKZJ) boıynsha zeınetaqy jınaqtary 367,8 mlrd teńge, erikti zeınetaqy jarnalary (EZJ) boıynsha zeınetaqy jınaqtarynyń jalpy kólemi shamamen 1,7 mlrd teńge.
2022 jyldyń birinshi aıynda BJZQ salymshylary byltyrǵy dál osy kezeńmen salystyrǵanda 30% derlik kóp qarajat salǵan. 2022 jyldyń 1 aqpanyna qaraı, salymshylardyń shottaryna shamamen 114,9 mlrd teńge kóleminde zeınetaqy jarnalary tústi, bul 2021 jyldyń sáıkes kezeńindegi kórsetkishten 26,1 mlrd teńgege artyq. Jarnalardyń jalpy kóleminiń 93,3% BJZQ-ǵa MZJ boıynsha túsimder quraıdy – 107,2 mlrd teńge (ósim 29%), MKZJ boıynsha 7,6 mlrd teńge (ósim 28%) tústi, EZJ boıynsha 72 mln teńge (ósim 149%) aýdaryldy. Sonymen qatar, bir aıda taza ınvestıtsııalyq tabys 10,6 mlrd teńge boldy.
2022 jyldyń 1 aqpanyna qaraı, BJZQ-daǵy jeke zeınetaqy shottarynyń sany 11,7 mln birlikke jetti. Shottardyń eń kóp mólsheri mindetti zeınetaqy jarnalary (MZJ) esebinen ashyldy – 10 865 718 birlik. Odan ári MKZJ-nan qalyptasqan shottar – 550 405 birlik, BJZQ-daǵy EZJ esebinen qalyptasqan shottar sany qazir 63 471 birlik.
Jyl basynan beri BJZQ óz salymshylaryna 113,2 mlrd teńge tóledi, onyń basym bóligin turǵyn úı jaǵdaıyn jaqsartý jáne emdeý maqsattaryna arnalǵan birjolǵy zeınetaqy tólemderi (BZT) quraıdy – 97,0 mlrd teńge. Jasyna baılanysty tólemder – 6,6 mlrd teńge, muragerlik boıynsha tólemder – 3,8 mlrd teńge, QR sheginen tys TTJ ketýge baılanysty tólemder – 3,5 mlrd teńge, saqtandyrý uıymdaryna aýdarymdar shamamen 1,6 mlrd teńge, jerleýge arnalǵan tólemder – 0,4 mlrd teńge jáne múgedektik boıynsha tólemder – 0,2 mlrd teńgeni qurady.
Atap ketý kerek, BJZQ-dan keste boıynsha aı saıynǵy ortasha tólem (zeınet jasyna tolýyna baılanysty) 29 200 teńge, al aı saıynǵy eń joǵary tólem 548 741 teńge boldy.
