BJZQ: Qazaqstanda zeınetaqy jınaqtarynyń jalpy somasy 4,7 trln. teńgeden asty

ALMATY. QazAqparat - Bıylǵy jyldyń 1 sáýirinde BJZQ salymshylarynyń (alýshylarynyń) jeke zeınetaqy shottarynyń (JZSh) sany barlyq shart túri boıynsha 9 986 467 birlikti qurady.

Al zeınetaqy jınaqtarynyń jalpy somasy 4,7 trln. teńgeden asyp tústi. Bul týraly búgin «Biryńǵaı Jınaqtaýshy Zeınetaqy Qory» AQ baspasóz qyzmeti málim etti.

«2015 jyldyń birinshi toqsanynda BJZQ-na túsip, salymshylardyń (alýshylardyń) JZSh-yna bólingen ınvestıtsııalyq tabys 58,25 mlrd. teńgeni qurady. Jalpy 2015 jyldyń qańtar-naýryz aılaryndaǵy BJZQ-dan alynǵan zeınetaqy tólemderiniń somasy 42,43 mlrd. teńge boldy, onyń ishinde saqtandyrý uıymdaryna aýdarylǵan soma - 3,39 mlrd. teńge» - delingen habarlamada.

Esterińizge sala ketelik, BJZQ óńirlik jelisi 240 qyzmet kórsetý keńsesin qamtıdy. Qordyń óńirlik qurylymyna ár oblys ortalyǵynda, respýblıkalyq máni bar qalalarda (Almaty jáne Astana), sondaı-aq oblysqa baǵynyshty iri qalalarda (Jezqazǵan jáne Semeı) bir-birden ornalasqan 18 fılıal kiredi. Fılıaldar janynda 23 bólimshe jáne 199 qyzmet kórsetý ortalyǵy ashylǵan.