BJZQ qarjysy Apple men Facebook sııaqty kompanııalarǵa ınvestıtsııalanady
Onyń aıtýynsha, 2016 jyldan bastap sarapshylardyń keńesi boıynsha ınvestıtsııalyq portfeldiń dollarlyq úlesin kóbeıtip jatyr. Búginde ol 17-den 27 paıyzǵa deıin artqan.
«Ulttyq bank qarjyny bólýdiń jańa tetigin qarastyryp jatyr. Kompanııalardy tańdaǵan kezde Ulttyq bank te, Úkimet te MSCI Word ındeksine ıek artatyn bolady. Onda álemdik deńgeıdegi kompanııalar bar. ıAǵnı dollar valıýtasyndaǵy qarjy Apple, Facebook sııaqty kompanııalarǵa salynatyn bolady», - dedi Danııar Aqyshev.
Sondaı-aq, Ulttyq bank ekinshi deńgeıli bankterden BJZQ aktıvterin shyǵaryp jatqanyn habarlady.
«BJZQ aktıvteriniń ekinshi deńgeıli bankterdegi qarjysy birtindep qaıtarylyp jatyr. 2014 jyly bankterge 90 mlrd teńge salynsa, 2015 jyly bul kórsetkish 400 mlrd teńge bolatyn. 2016 jyly bankterde 112 mlrd teńge saqtaldy. 2017 jyly bankterge múlde qarjy salynbady», - dep qorytyndylady ol.
Sondaı-aq, júıeni reformalaý maqsatynda zeınetaqy aktıvteriniń bolashaǵyna degen senimdilikti nyǵaıtý úshin olardy jekemenshik uıymdarǵa berý josparlanyp otyr. Uıymdardy salymshylardyń ózderi tańdaıtyn bolady.
Búginde Ulttyq banktiń senimdi basqarýynda 7 trln teńge bar. Bul qarjy qundy qaǵazdar men oblıgatsııalardy satyp alýǵa jumsalyp jatyr.