BJZQ eskertedi: Qordyń atynan jalǵan spam-habarlama tarap jatyr

ALMATY. QazAqparat – Biryńǵaı jınaqtaýshy zeınetaqy qorynyń salymshylary áleýmettik jeliler men messendjerlerde alaıaqtar tarapynan telefon shabýyldaryna qatysty jalǵan aqparat tarap jatqanyn aıtyp jatyr, dep habarlaıdy QazAqparat tilshisi.

«Olar ózderin zeınetaqy qorynyń qyzmetkeri retinde tanystyryp, bank kartasynyń nómirin bilýge tyrysady jáne «zeınetaqyny qaıta esepteý kerek» degen jeleýmen derektemelerin berýdi ótinedi. BJZQ mundaı spam-jiberilimniń Reseı Federatsııasynda birneshe aı boıy júzege asyrylǵanyn jáne qazaqstandyq jınaqtaýshy zeınetaqy júıesine eshqandaı qatysy joq ekenin anyqtady» delingen habarlamada.

BJZQ mundaı habarlama jibermeıtinin jáne telefon arqyly jeke derekter men sizdiń banktik kartańyzdyń derekterin suramaıtynyn habarlaıdy.

Sondaı-aq qor beıtanys saıttarǵa kúdikti siltemeler boıynsha ótpeýge keńes beredi.

Aqparatty tek enpf.kz resmı saıtynda nemese BJZQ-nyń áleýmettik jelilerdegi resmı paraqshalarynan, qarap tekserý kerek.