BJZQ-dan beriletin zeınetaqy tólemderi jeke tabys salyǵynan bosatylady
ASTANA. KAZINFORM — 2025 jylǵy 18 shildede memleket basshysy jańa Salyq kodeksine qol qoıdy. Ol BJZQ-dan Qazaqstan Respýblıkasynyń beırezıdentterine tólenetin zeınetaqy tólemderin qospaǵanda, barlyq tabys, turǵyn úıge/emdelýge arnalǵan birjolǵy zeınetaqy tólemderi túrindegi kiristerdi 2026 jylǵy 1 qańtardan bastap jeke tabys salyǵynan (JTS) bosatýdy kózdeıdi.
Qazir qalaı?
Qoldanystaǵy Salyq kodeksine sáıkes, Biryńǵaı jınaqtaýshy zeınetaqy qorynan (BJZQ) tólenetin birjolǵy zeınetaqy tólemderi tólem kózinen 10% mólsherleme boıynsha jeke tabys salyǵy (JTS) ustalatyn kiris túrine jatady. Zeınetaqy jarnalary jeke zeınetaqy shottaryna salyq salynǵanǵa deıin aýdarylady. Al jeke tabys salyǵy tólemder júzege asyrylǵan kezde ustalady. JTS ustaý mindetti zeınetaqy jarnalary (MZJ), mindetti kásiptik zeınetaqy jarnalary (MKZJ), erikti zeınetaqy jarnalary (EZJ) esebinen qalyptasqan barlyq zeınetaqy tólemderi túrleri boıynsha jıyntyq túrde júrgiziledi. Bul rette túzetýler men salyqtyq shegerimder eskeriledi.
Turǵyn úıge/emdelýge birjolǵy zeınetaqy tólemderin paıdalanǵan kezde JTS ustaý da kózdeledi. Bul rette alýshynyń tańdaýyna ony ustap qalýdyń eki joly usynylady: BZT alǵan kezde birden nemese zeınetaqy alatyn kezge deıin keıinge qaldyrý.
2026 jylǵy 1 qańtarǵa deıin BJZQ-dan beriletin zeınetaqy jáne birjolǵy zeınetaqy tólemderinen JTS esepteý, ustap qalý jáne tóleý qoldanystaǵy tártip boıynsha júzege asyrylatyn bolady.
2026 jyldyń 1 qańtarynan bastap qalaı bolmaq?
JTS zeınetaqy tólemderiniń barlyq túrlerinen ustalmaıdy. Biraq munyń Qazaqstan Respýblıkasynyń rezıdenti bolyp eseptelmeıtin azamattarǵa qatysy joq. JTS, sondaı-aq, birjolǵy zeınetaqy tólemderinen de ustalmaıdy.
2026 jylǵy 1 qańtardan bastap turǵyn úı jaǵdaıyn jaqsartý nemese emdelý maqsatynda paıdalanylǵan birjolǵy zeınetaqy tólemderinen ustalýǵa tıis, biraq zeınetke shyqqanǵa deıin keıinge qaldyrylǵan jeke tabys salyǵy boıynsha eseptelgen mindettemeler de joıylady. Alaıda, buǵan deıin bıýdjetke tólengen salyq
Taǵy ne ózgeredi?
2026 jylǵy 1 qańtardan bastap óz paıdasyna aýdarylǵan erikti zeınetaqy jarnalary boıynsha tólem kózinen salyq salynýǵa jatatyn tabystan Salyq kodeksinde belgilengen shekterde qoldanylatyn salyqtyq shegerimder de joıylady.
Bul rette jumys berýshiniń Biryńǵaı jınaqtaýshy zeınetaqy qoryna jumysshynyń paıdasyna aýdarǵan erikti zeınetaqy jarnalary jeke tulǵanyń tabysy bolyp sanalmaıdy (tıisinshe, jeke tabys salyǵy salynbaıdy), al jumys berýshi úshin bul shyǵystar korporatıvtik tabys salyǵyn esepteý kezinde shegerimge jatqyzylady. Bul jaǵdaıda salyqtyq jeńildikti jumysshy da, jumys berýshi de paıdalana alady.
Aıta ketelik Ulttyq bank Biryńǵaı jınaqtaýshy zeınetaqy qory aktıvterin tartý úshin ekinshi deńgeıli bankter qandaı krıterıı boıynsha iriktelgenin jáne qarjy qandaı sharttarmen berilgenin málim etken edi.