BJZQ-daǵy memlekettik qundy qaǵazdar úlesi 40 paıyzdy quraıdy
«QR Qarjy mınıstrligi shyǵaratyn memlekettik qundy qaǵazdardyń bekitilgen nemese ınflıatsııa deńeıinine baılanysty syıaqy mólsherlemesi bar. Syıaqy mólsherlemesi naryqtyq jaǵdaıda, memlekettik qundy qaǵazdardy satý jónindegi aýktsıon barysynda aıqyndalady. Oǵan ishki qor naryǵyndaǵy barlyq kásibı qatysýshylar qatysa alady. Bul rette Biryńǵaı jınaqtaýshy zeınetaqy qory memlekettik qundy qaǵazdardyń negizgi ustaýshysy sanalady. Onyń jalpy qorjynyndaǵy memlekettik qundy qaǵazdar úelsi shamamen 40 paıyzdy quraıdy», - dep atap ótedi Úkimet basshysy jaýabynda.
Onyń atap ótýinshe, jyl saıynǵy tapshylyq memlekettik qundy qaǵazdar shyǵarý, onyń ishinde BJZQ satyp alatyn MQQ (memlekettik qundy qaǵazdar) esebinen jabylady. Ulttyq bank basqarmasynyń 2020 jylǵy 24 aqpandaǵy qaýlysymen bekitilgen BJZQ-nyń ınvestıtsııalyq deklaratsııasymen MQQ úshin lımıt 70 paıyzdan aspaıtyn mólsherde bekitilgen.
«Búginde BJZQ-daǵy MQQ úlesi 40 paıyzdy quraıdy. Bul BJZQ qarajatyn MQQ-ǵa odan ary ınvestıtsııalaý úshin qandaı da bir shekteýdiń joq ekendigin bildiredi. Buǵan qosa, ınvestıtsııalyq deklaratsııaǵa sáıkes, zeınetaqy aktıvteriniń qorjynyn ártaraptandyrý maqsatynda BJZQ qarajaty ózge dje qarjylyq quraldarǵa ınvestıtsııalanýy tıis. Degenmen, halyqtyń zeınetaqy jınaqtaryn sheship alý jaǵdaıynda BJZQ-nyń ishki naryqtaǵy tapshylyqty qarjylandyrýdyń negizgi kózi retindegi múmkindigi shekteýli», - dedi Premer-Mınıstr.