BJZQ burynǵy basshysy Erdenaevty qamaý merzimi uzartyldy
ALMATY. QazAqparat - BJZQ burynǵy basshysy Rýslan Erdenaevty qamaýǵa alý merzimi 28 mamyrǵa deıin uzartyldy. Bul týraly qalalyq sottyń baspasóz hatshysy Dııas Mahambetov habarlady.
Almaly aýdandyq soty «BJZQ» AQ eks-tóraǵasy Rýslan Erdenaevqa, Táýekelderdi basqarý departamenti qarjylyq táýekelder basqarmasynyń burynǵy basshysy Musa Bahtovqa, «Alataý Munaı Altyn» kompanııasynyń basshysy B.Kenjebaevqa, «Býzgýl Aýrým» JShS basshysy A.Naızaǵarınge qatysty bultartpaý sharasyn ózgertip, qamaý merzimin 5 aıǵa uzartý týraly sheshim shyǵardy.
Kúdiktiler sot bastalǵansha qamaýda 28 mamyrǵa deıin otyratyn boldy.
Sondaı-aq, «BJZQ» AQ tóraǵasynyń eks orynbasary Dabyr Medetbekovke qatysty bultartpaý sharasy 4 aıǵa sozyldy. Ol qamaýda 8 maýsymǵa deıin otyrmaq.
Іske qatysy bar dep tanylǵan «Megatransazııa» JShS-nyń basshysy Talǵas Turtaev sotqa deıin 3 aı qamaýda bolmaq.
Atalǵan tulǵalardyń barlyǵy QR QK 189-babynyń 4-bólimi boıynsha aıyptalyp otyr.
