BJZQ basshylarynyń qorǵaýshylary aýyr aıyppen kelispeıtindikterin aıtty
ALMATY. QazAqparat - BJZQ basshylarynyń qorǵaýshylary aýyr aıyppen kelispeıtindikterin aıtty. Atap aıtqanda, «Býzgýl Aýrým» JShS basshysy Azat Naızaǵarın men «Alataý Munaı Altyn» AQ baqylaý keńesiniń tóraǵasy Baqytjan Kenjebaevtyń advokattary taǵylǵan aıyptyń negizsiz ekendikterin aıtyp otyr.
«Men olarǵa taǵylǵan aıyppen tolyq kelispeımin. Olar aqsha jymqyrdy deıdi. Óz betterimen jumys jasap jatqan bıznesmenderge jala jaýyp otyr», - dedi qorǵaýshy Ǵalym Nurpeıisov.
Onyń aıtýynsha, olardy kepilge bosatýǵa tıis.
«Birinshiden, olar aqshany qaryzǵa alǵan. Birneshe jyldan soń qaıtarýlary tıis. Bul jymqyrýǵa jata ma? Qazir belgili bir operatsııalar júrip bankter ony joıyp jatyr. Bul jerde olar shaǵymdy bankterge túsirý kerek. Bul bırjadaǵy zaım mámilesi, eshqandaı zańsyz áreket emes», - dedi ol.
Eske salsaq, Ulttyq qaýipsizdik komıtetiniń Almaty qalasyndaǵy departamenti BJZQ-nyń quny 5 mlrd. teńge bolatyn kelisimshartyn tekserip jatyr.
Sotqa deıingi tergeý oryndary R.Erdenaev pen ózge de tulǵalarǵa menshikke qatysty QR QK 189-babynyń 4-tarmaǵy boıynsha aýyr qylmys jasadydep aıyp taǵyp otyr.
21 jeltoqsannan bastap Ulttyq banktiń qatysýymen «Biryńǵaı jınaqtaýshy zeınetaqy qory» AQ-nyń áreketi tekserilip jatyr. Tekserý BJZQ aktsıonerleriniń óz aktıvterin ınvestıtsııalaýǵa qatysty bolyp otyr. BJZQ óz kezeginde qarjy jymqyrýyna qatysty qaýesetti joqqa shyǵardy.
