BJZQ basshysy zeınetaqy jınaǵynyń bir bóligin alýǵa ne sebepti ruqsat berilgenin túsindirdi
ASTANA. KAZINFORM — Kazinform agenttiginiń BIZDIÑ ORTA podkastynda Biryńǵaı jınaqtaýshy zeınetaqy qorynyń basqarýshy dırektory Murat Sháripov zeınetaqy jınaǵyn merziminen buryn paıdalanýǵa nelikten múmkindik berilgeni jóninde pikir bildirdi.
Aldymen ol BJZQ tarıhy men maqsatyna toqtaldy.
— Qazaqstanda jınaqtaýshy zeınetaqy júıesi engizilgeli 28 jyldan asty. Sodan beri azamattar tabysynyń 10%-yn mindetti túrde zeınetaqy qoryna jınaqtap keledi. Ony, ataýy aıtyp turǵandaı, zeınetkerlik jasqa tolǵan kezde ómirdi qamtamasyz etetin qarajat dep túsinýimiz kerek, — dedi BJZQ basshysy.
Onyń sózinshe, álemge jaıylǵan indettiń saldary zeınetaqy jınaǵynyń bir bóligin paıdalanýǵa ruqsat berýge áser etken.
— 2021 jyly kovıd pandemııasynan keıin daǵdarysqa qarsy shara retinde keıbir elde zeınetaqy jınaqtary qoldanyldy. Osy tájirıbeni eskere otyryp, Qazaqstanda da zeınetaqy jınaqtarynyń bir bóligin turǵyn úı jaǵdaıyn jaqsartý ne densaýlyǵyn túzeý maqsatynda qoldanýǵa múmkindik berildi. Óıtkeni, pandemııa kezinde jumyssyz qalǵan, nesıelerin tóleı almaǵan nemese densaýlyǵyn nasharlatyp alǵan azamattar boldy, — Murat Sháripov.
Aıta keteıik, buǵan deıin Ulttyq bank tóraǵasy zeınetaqy júıesin depozıt retinde qarastyrýǵa bolmaıtynyn málimdegenin jazǵanbyz.
