BJZQ Astanadaǵy keńselerin satady

ASTANA. QazAqparat – «Biryńǵaı jınaqtaýshy zeınetaqy qory» AQ Astananyń sol jaǵalaýynyń ortalyǵyndaǵy tórt keńse ǵımaratyn satýda, dep habarlaıdy QazAqparat tilshisi.

BJZQ-nyń resmı saýalǵa bergen jaýabynda atap ótilgendeı, keńselerdiń jalpy quny – 415 mln teńge. Bul - Qonaev 12/1 kóshesinde ornalasqan úıdegi bos keńseler. AMANAT partııasynyń bas shtaby da sonda ornalasqan. Saıtta ártúrli kólemdegi bólmeleri bar barlyǵy tórt lot usynylǵan.

113 mln teńgege aýdany 185 sharshy metr bólme usynyldy. Bássaýda baǵasy joǵarylaıdy. Aýmaǵy 201 sharshy metr basqa bólmege saýda-sattyq 115 mln teńgeden bastalady. 225 sharshy metrdi quraıtyn keńse 131 mln teńgege baǵalandy. Eń qarapaıymy – aýdany 89 sharshy metr keńse 54 mln teńgege satylýda.

Saýda-sattyq 31 qańtarda bastalady.

Uıymnyń baspasóz qyzmetinen satylym ekonomıkalyq qyzmetpen, atap aıtqanda múlikti ońtaılandyrýmen baılanysty ekenin naqtylady.