BJZQ aktıvteriniń kiristiligin arttyrý jumysy jalǵasady - Ulttyq bank
NUR-SULTAN. QazAqparat – Biryńǵaı jınaqtaýshy zeınetaqy qory aktıvteriniń kiristiligin arttyrý jumysy jalǵasady. Bul týraly Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.
«Zeınetaqy jınaqtarynyń 2,6 trln teńge somasynda merziminen buryn alynýyna qaramastan zeınetaqy aktıvteri 13 trln teńgege deıin 152 mlrd teńgege ósti. Ótken jylǵy ınvestıtsııalyq kiristiń kólemi - 1,4 trln teńge, zeınetaqy jarnalarynyń kólemi - 1,3 trln teńge, zeınetaqy tólemderiniń kólemi - 268 mlrd teńge boldy. Zeınetaqy aktıvteriniń naqty kiristiligi - 2,7 paıyz. 2022 jyly portfeldi odan ári ártaraptandyrý arqyly Biryńǵaı jınaqtaýshy zeınetaqy qory aktıvteriniń kiristiligin arttyrý jumysy jalǵasatyn bolady», - dedi Ǵalymjan Pirmatov Úkimettiń keńeıtilgen otyrysynda.
