BJZQ aktıvteri 2 paıyzǵa tómendedi

NUR-SULTAN. QazAqparat – Biryńǵaı jınaqtaýshy zeınetaqy qorynyń aktıvteri 2 paıyzǵa tómendedi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Biryńǵaı jınaqtaýshy zeınetaqy qorynyń aktıvteri halyqtyń qarajatty merziminen buryn alýyna baılanysty jyl basynan bastap 0,3 trln teńgege nemese 12,6 trln teńgege deıin 2 paıyzǵa tómendedi. Salymshylar engizgen zeınetaqy jarnalarynyń kólemi 191,7 mlrd teńgeni, zeınetaqy tólemderi – 60,1 mlrd teńgeni qurady», - dedi 2021 jyldyń qańtar-aqpanyndaǵy elimizdiń áleýmettik-ekonomıkalyq damý qorytyndysy jaıynda baıandaǵan Erbolat Dosaev.

Onyń dereginshe, jyl basynan bastap eseptelgen ınvestıtsııalyq kiris mólsheri 222,9 mlrd teńge boldy. Osy jyldyń alǵashqy eki aıynyń qorytyndysy boıynsha ınflıatsııa 1,3 paıyz bolǵan kezde 1,7 paıyz mólsherindegi kiristilik alyndy.

«Naqty kiristilik ınvestıtsııalyq qyzmet, sondaı-aq zeınetaqy aktıvterin naryqtyq jáne baǵamdyq qaıta baǵalaý nátıjesinde qamtamasyz etildi», - dedi Erbolat Dosaev.