BJZQ aktıvteri 0,3 trln teńgege kemidi

NUR-SULTAN. QazAqparat – Biryńǵaı jınaqtaýshy zeınetaqy qorynyń zeınetaqy aktıvteri 0,3 trln teńgege kemidi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Biryńǵaı jınaqtaýshy zeınetaqy qorynyń zeınetaqy aktıvteri halyqtyń qarajatty merziminen buryn alýyna baılanysty jyl basynan bastap 0,3 trln teńgege nemese 12,6 trln teńgege deıin 2,3 paıyzǵa tómendedi. Bıylǵy jyldyń basynan bastap eseptelgen ınvestıtsııalyq kiris mólsheri 488,5 mlrd teńge boldy», - dedi ol.

Ulttyq bank tóraǵasy osy jylǵy 4 aıdyń qorytyndysy boıynsha ınflıatsııa 2,7 paıyz bolǵan kezde 3,8 paıyz mólsherindegi kiristilik qamtamasyz etilgendigin atap ótti.

«Naqty kiristilik ınvestıtsııalyq qyzmet, sondaı-aq zeınetaqy aktıvterin naryqtyq jáne baǵamdyq qaıta baǵalaý nátıjesinde qamtamasyz etildi», - dedi Erbolat Dosaev.