«BJZQ» AQ basqarmasynyń jańa tóraǵasy saılandy

ASTANA. QazAqparat - «BJZQ» AQ Dırektorlar keńesiniń sheshimimen «BJZQ» AQ Basqarmasynyń jańa quramy saılandy, dep habarlanǵan qordyń resmı saıtynda.

«BJZQ» AQ basqarmasynyń tóraǵasy bolyp Erdenaev Rýslan Serikuly taǵaıyndaldy.

R.S.Erdenaev jınaqtaýshy zeınetaqy júıesinde 2009 jyldan beri eńbek etip keledi. 2009 jyldyń shilde aıy men 2013 jyldyń tamyz aıy aralyǵynda «GNPF» JZQ» AQ basqarmasynyń múshesi - basqarýshy dırektory laýazymynda jumys istedi. 2013 jyldyń qyrkúıek aıynan bastap «BJZQ» AQ basqarmasy tóraıymynyń orynbasary boldy.

Sonymen qatar «Biryńǵaı jınaqtaýshy zeınetaqy qory» AQ basqarmasynyń quramyna basqarma múshesi, basqarma tóraǵasynyń birinshi orynbasary Dúısenova Sáýle Saǵyntaıqyzy, basqarma múshesi, basqarma tóraǵasynyń orynbasary Mahmedjanov Ǵalym Nabıbýllauly kirdi.

Buryn «BJZQ» AQ basqarmasynyń tóraıymy laýazymynda jumys istegen Medeýsheeva Dolores Taırovna basqa jumysqa aýysýyna baılanysty qyzmetinen ketti.