«BJK – 2025»: Bolashaqta mıkro jáne shaǵyn kásipkerlikti nesıeleý sharttary qandaı bolady
NUR-SULTAN. QazAQparat – Ulttyq ekonomıka mınıstri Rýslan Dálenov «Bıznestiń jol kartasy 2025» baǵdarlamasy sheńberinde mıkro jáne shaǵyn kásipkerlikti mıkronesıeleý sharttary qandaı bolatynyn aıtyp berdi, dep habarlaıdy QazAqparat tilshisi.
«Bıznestiń jol kartasy 2025» baǵdarlamasy sheńberinde Memleket basshysynyń tapsyrmasy boıynsha jańa baǵyt iske qosylady. Bul – mıkro jáne shaǵyn kásipkerlikti mıkronesıeleý. Bıznestiń osy sanaty úshin sýbsıdııalaý esebinen kredıtter 6% mólsherleme boıynsha qoljetimdi bolady», - dedi mınıstr Úkimet otyrysynda.
Onyń aıtýynsha, nesıeler aınalym qarajatty tolyqtyrýǵa 5 mln teńgege deıin, al óndiristik qajettilikterge 20 mln teńgege deıin beriletin bolady. Qyzmet túrleri boıynsha shekteýler bolmaıdy.
«Sonymen qatar memleket nesıe mólsheriniń 85%-ne deıin kepildik berýdi qamtamasyz etedi. Nesıeni kommertsııalyq bankter men mıkroqarjylyq uıymdar beredi. Sýbsıdııalaý jáne kredıtterdi kepildendirý rásimderi barynsha jeńildetiledi. Baǵdarlamanyń negizgi maqsaty - mıkro jáne shaǵyn bıznesti jeńildetilgen nesıemen barynsha qamtý», - dedi ol.
