«BJK-2020» aıasynda 6 ındýstrııalyq aımaq qurýǵa 4,5 mlrd. teńge qarastyrylyp otyr

ASTANA. QazAqparat - «Bıznestiń jol kartasy-2020» baǵdarlamasy aıasynda 6 ındýstrııalyq aımaq qurýǵa 4,5 mlrd. teńge qarastyrylǵan. Bul týraly búgin QR Úkimeti otyrysynda QR Ulttyq ekonomıka mınıstri Qýandyq Bıshimbaev málim etti.

«Búgingi kúni elde 42 ındýstrııalyq aımaq bar. Olardyń 27-si salynyp jatsa, 15 qoldanysta. 25 ındýstrııalyq aımaqty qurýǵa «BJK-2020» baǵdarlamasynyń aıasynda 24,4 mlrd. teńge bólinip, olardyń ishinen 12 ındýstrııalyq aımaq jumys isteýde. Onda 700 mlrd. teńgeden asa ınvestıtsııalar somasyna 273 óndiris ornalastyrylǵan jáne 626 mlrd. teńge somasyna ónim shyǵarylǵan», - dedi mınıstr.

Onyń atap ótýinshe, aǵymdaǵy jyly «BJK-2020» aıasynda 6 ındýstrııalyq aımaqty qurýǵa Aqtóbe, Qyzylorda, Almaty, Ońtústik Qazaqstan jáne Qostanaı oblystarynda 4,5 mlrd. teńge kóleminde qarajat qarastyrylǵan.

Óńirlermen qarajattyń ıgerilýi josparly tártipte júzege asyrylady. Tek Qostanaı oblysynda ǵana qurylys áli bastalǵan joq. Atalǵan óńir konkýrstyq rásimderdi júrgizýdi jyldamdatýy qajet»,-  dedi Q.Bıshimbaev.

Aıta keterligi, osy Úkimet otyrysynda «Atameken» ulttyq kásipkerler palatasy basqarmasynyń tóraǵasy Abylaı Myrzahmetov ındýstrıaldy aımaqtardyń jumysyna qatysty syn aıtqan bolatyn.