«BJK-2020»: Aqtóbelik kásipkerler nesıeni sýbsıdııalaý tetigin tıimdi paıdalanýda
Aqtóbede «Bıznestiń jol kartasy-2020» memlekettik baǵdarlamasy kásipkerlerdiń jumysyn jandandyra tústi. Máselen, kásipker Serik Ermaǵambetov jańa mektepterdi jıhazben jabdyqtaý jumystaryn aıaqtaýda. Ol «Bıznestiń jol kartasy-2020» memlekettik baǵdarlamasy arqyly ekinshi deıgeıli bankten alǵan nesıeni sýbsıdııalady.
«Jıhaz jasaý tsehyn jańartý úshin ekinshi deńgeıli bankten nesıe alyp, nesıeniń paıyzdyq ústeme aqysy «Bıznestiń jol kartasy-2020» baǵdarlamasy arqyly sýbsıdııalandy. 7 paıyzyn - ózim, al 7 paıyzyn memleket ótep otyr. Qarjyǵa jańa qural-jabdyq satyp aldym. Taǵy 6 adamǵa jumys orny ashyldy. Tapsyrys bar, memlekettik satyp alý arqyly jańa mektepterdi jıhazben jabdyqtap jatyrmyn. Máselen, «Batys-2» aýdanyndaǵy 320 oryndy mektep «Nurly jol» baǵdarlamasy boıynsha salyndy. Biz sol mektepti zamanaýı jabdyqpen, jıhazben qamtamasyz etemiz. Qazir oryndyqtar men partalardy qurastyrý, arnaıy kabınetterdi jabdyqtaý jumysy júrip jatyr. Jalpy bir mektepti eki aıda túgel jabdyqtaı alamyz»,- dedi kásipker Serik Ermaǵambetov.
Jıhaz jasaýǵa qajetti aǵash buıymdar Reseıden, al bekitpeler Polshadan jetkiziledi. Jańa tsehqa 20 mıllıon teńgeniń jańa quryl-jabdyǵy satyp alyndy. Kásipker osy jolmen eki balabaqsha men eki mektepti jabdyqtady. Bul qural-jabdyq jıhaz sapasyn arttyrýǵa, jańa talaptardy oryndaýǵa múmkindik berip otyr. Sonymen qatar, memlekettik tapsyrysty oryndaýdyń óz talaby bar. Aldymen kásipker óz qarjysyna jıhaz jasap, komıssııaǵa tapsyrady, keıin qarjy aýdarylady. «Mektepterdi jıhazben jabdyqtaý kezinde jergilikti tsehtarǵa basymdyq bergen abzal. Keıde daıyn ónimdi reseılik kásipkerler jetkizip beredi. Al jergilikti jıhaz tsehtary dál sol sapaǵa kepildik bergenimen básekelestikke tótep bere almaıdy. Aldaǵy ýaqytta mektepterdi jabdyqtaý jumysyn jalǵastyrǵymyz keledi»,- dedi kásipker.
Aıta keteıik, Aqtóbe oblysynda 21 mekteptiń qurylysy júrip jatyr, onyń 14 bıyl paıdalanýǵa beriledi.
Al balalarǵa oqý ortalyǵyn ashqan Sholpan Haımýldıeva ekinshi deńgeıli bankten alǵan 28 mıllıon teńgeni «Damý» qorynyń Aqtóbe oblystyq fılıaly arqyly sýbsıdııalady. «Bıznestiń jol kartasy-2020» baǵdarlama aıasynda kásibin bastaǵan muǵalim balalardy mektepke daıyndap, aǵylshyn tilin úıretý kýrstaryn ashty. Aqtóbede matematıka páninen dáris alatyndar da jıeledi.
«Memlektettik baǵdarlama kásipkerler úshin óte tıimdi. Ekinshi deńgeıli bankten alǵan nesıe sýbsıdııalandy. Aldaǵy ýaqytta qalanyń birneshe jerinen ortalyq ashyp, bul jumysty jetildirýdi kózdep otyrmyn. Taǵy da «Damý» qoryna baryp, memlekettik baǵdarlamalardyń kómegine júginemin»,- dedi Sholpan Haımýldıeva. Qazir munda 50 bala bilim alyp júr. Aldaǵy ýaqytta bilimin jetildiretin balalardyń qatary artýy múmkin.
