Bizge shynaıy seriktestikke, bólip-jarmaýǵa negizdelgen halyqaralyq yntymaqtastyq kerek - Toqaev
ASTANA.KAZINFORM – Qasym-Jomart Toqaev COP17 aıasyndaǵy Bıoalýantúrlilik boıynsha kóshbasshylar sammıtinde sóz sóıledi, dep habarlaıdy Aqordanyń baspasóz qyzmeti.
Memleket basshysy sammıtke qatysýshylarǵa iltıpat bildirip, qonaqjaılyq tanytqany jáne BUU Bıoalýantúrlilik boıynsha konferentsııasy aıasyndaǵy kóshbasshylar sammıtin joǵary deńgeıde uıymdastyrǵany úshin Premer-mınıstr Nıkol Pashınıanǵa alǵys aıtty.
Prezıdent tabıǵatty saqtaý jóninde keler urpaq aldynda ortaq jaýapkershilik pen halyqaralyq kúsh-jigerdi úılestirý qajet ekenin eske saldy.
– Biz tabıǵat tartýyn bolashaqqa jetkizýdi kózdeıtin halyqaralyq yntymaqtastyqty keńeıtý maqsatynda jınalyp otyrmyz. ıAǵnı kúrdeli syn-qaterlermen betpe-bet kelýi yqtımal óskeleń urpaq aldyndaǵy ortaq jaýapkershilik jóninde sóz qozǵadyq. Bul – bizdiń órkenıetimizdiń aman qalýyna da qatysty másele. Óıtkeni bıoalýantúrlilik adamdar ıgiligin, ekonomıkalyq ornyqtylyqty jáne uzaqmerzimdi qaýipsizdikti qamtamasyz etýde óte qajet. Búlinbegen ekojúıeler azyq-túlik óndirisinde, sý resýrstaryn qorǵaýda jáne mıllıondaǵan adamdy kiris kózimen qamtýda mańyzdy ról atqarady. Shóleıttený jáne sý tapshylyǵy, basqa da ekologııalyq problemalar tabıǵat pen adam arasyndaǵy názik tepe-teńdikke orasan qaýip tóndiredi. Sýdyń jetkiliksizdigi men jerdiń tozýy mıllıondaǵan adam úshin úırenshikti jaǵdaıǵa aınaldy. Munyń saldary tym aýyr. Sebebi bul úderister memleketter aýmaǵynan ary asyp, ornyqty damýdy tejeıdi ári jahandyq turaqtylyqqa zardabyn tıgizedi. Muqııat oılastyrylǵan jáne naqty sharalardy qamtıtyn ekologııalyq kún tártibi saıası qaıshylyqtardy eńserýi qajet. Bizge shynaıy seriktestikke, bólip-jarmaýǵa negizdelgen, eń bastysy, naqty nátıjelerge qol jetkizýdi kózdeıtin halyqaralyq yntymaqtastyq kerek, – dedi Qasym-Jomart Toqaev.
