Bizge gıbrıdti elektr stantsııalaryn iske qosý kerek – Premer-mınıstr

ASTANA. KAZINFORM – Premer-mınıstr Oljas Bektenov Úkimet otyrysynda elektr qýatynyń tapshylyǵy kún saıyn ózekti máselege aınalyp kele jatqanyn atap ótti. 

– Qajetti kólemdi elektr energııasyn qaıta baǵyttaý arqyly tolyqtyryp otyrmyz. Energııany tutyný qarqyny jyldan jylǵa arta beredi. Elektr qýaty jańa ónerkásip oryndaryn, derekterdi óńdeý ortalyqtaryn iske qosý, tsıfrlyq tehnologııalar men ınfraqurylymdy damytý úshin qajet. Al, ol úshin energetıka salasy qarqyndy damýǵa tıis. Sondyqtan biz atom energetıkasyna basa mán berip otyrmyz, - dedi Oljas Bektenov.

Úkimet basshysy eldegi energetıka teńgerimin saqtaý úshin túrli tehnologııa qatar qoldanylatynyn basa aıtty. 

– Josparlanǵan barlyq energetıkalyq jobany ýaqtyly iske asyryp, jańa tehnologııalyq sheshimderdi, sonyń ishinde energııany jınaqtaý júıelerin jáne gıbrıdti elektr stantsııalaryn iske qosý qajet, - dedi ol. 

Aıta keteıik, búgingi Úkimet otyrysynda elektr energetıkasy salasyn damytý men tsıfrlandyrý barysy talqylandy.