Bizge 3-4 AES kerek – Májilis depýtaty

ASTANA. KAZINFORM – Elektr qýaty tapshylyǵyn joıý úshin 3-4 atom elektr stansasy qajet. Bul týraly BIZDIÑ ORTA podkastynda Májilis depýtaty Murat Ergeshbaev aıtty.

- Qazirgi tańda janar-jaǵarmaı baǵasynyń kóterilýine qatysty munaı óńdeý zaýyttary shyǵynymyzdy jaba almaı jatyrmyz degen syndy myń san syltaý aıtady. Biraq qazir ósip bara jatqan baǵany toqtatý kerek. Bul rette baǵanyń ósýine áser etetin 2 másele bar. Biri janar-jaǵarmaı, ekinshisi elektr qýatynyń baǵasy. Osy ekeýi qatty áser etip, basqalarynyń qymbattaýyna alyp keledi. ıAǵnı, benzın qymbattasa - tasymaldaý, elektr qýaty qymbattasa - óndiris qymbattaıdy, - dedi Májilis depýtaty.

Onyń aıtýynsha, elimiz elektr qýaty tapshylyǵyn boldyrmaý úshin atom elektr stansasyn salý týraly sheshim qabyldady.

- Atom elektr stansasynyń bireýin emes, 3-4-eýin salý kerek. Qazaqstan ishinde salý qajet. Mysaly, kishkentaı ǵana Frantsııanyń ózinde 56 reaktor bar. Atom stansasy bar. Paıdalanyp jatyr ǵoı, nege biz odan qashýymyz kerek, - dedi Murat Ergeshbaev.

Buǵan deıin depýtat gazdan qosylǵan quny joǵary ónim alýǵa basa mán berý qajet ekenin aıtty.