Bizdiń qoǵam jasandy ıntellektini ChatGPT-men baılanystyryp júrgen sekildi – Tımýr Bektur
ASTANA. KAZINFORM – Generatıvti jasandy ıntellekt dúmpýi álemde jasandy ıntellekti jaıynda jıi aıtýǵa túrtki boldy. Mundaı pikirdi IT-sarapshy, IT-aǵartýshy Tımýr Bektur bildirdi.
- Qazir smartfonsyz júre almaımyz, 13-shi múshemizge aınalyp ketti. Dál sol sekildi jasandy ıntellekti qaı salada qoldanylady degen bolmaıdy. Malshy, dáriger, ınjener, munaıshy, muǵalim, zańger, jalpy elimizde 450-den astam mamandyq baǵyty bolsa, sonyń barlyǵyna qatysty. ıAǵnı, tehnologııa kúndelikti ómirimizge endi. Qashyp qutyla almaımyz. Jasandy ıntellekti de sondaı, - dedi sarapshy BIZDIÑ ORTA podkastynda.
Onyń aıtýynsha, ChatGPT-diń paıda bolýy jasandy ıntellektimen tikeleı baılanysýǵa múmkindik berip otyr.
- Bizdiń qoǵam jasandy ıntellektin ChatGPT-men baılastyryp júrgen sekildi. Negizi sońǵy 3-4 jylda búkil álemniń jasandy ıntellekt dep kóp aıtýynyń sebebi - generavtıvti jasandy ıntellektiniń dúmpýi. ıAǵnı, siz ChatGPT sekildi chattarǵa saýal qoıasyz. Ol joq jerden sizge mátin, vıdeo, sýret shyǵaryp beredi. Muny tehnologııa tilinde generatıvti jasandy ıntellekt dep aıtady. Máselen, YouTube-tan vıdeo qaraǵanda kelesi vıdeoǵa usynysy jasaıtyn ol – jasandy ıntellekt. Bárimiz Instagram-da otyramyz. Onda kimge lúpil basatynymyz, kimge jazylatynymyz jasandy ıntellekt algorıtmi arqyly jumys isteıdi. ıAǵnı, generatıv jasandy ıntellekt. Ol biz qoldanyp otyrǵan qandaı da bir platformalyq tehnologııanyń astarynda jatqannan keıin jasandy ıntellektini paıdalanyp júrgenimizdi bilmedik. Al ChatGPT kelip, búkil álemde jasandy ıntellektimen deldalsyz tikeleı baılanysatyn múmkindik berdi, - dedi Tımýr Bektur.
Buǵan deıin mektepterde jasandy ıntellektini jaýapkershilikpen qoldaný boıynsha oqytý bastalǵanyn jazǵan edik.