Bizde sýdyń baǵasy sheksiz arzan: Dosaev Almatyda tarıf ósetinin aıtty

Almaty ákimi Erbolat Dosaev Túrksib aýdanynyń turǵyndarymen kezdesýde qaladaǵy sý tutyný tarıfi boıynsha Prezıdent pen Úkimetke usynys jasaıtyn oıy bar ekenin aıtty, dep habarlaıdy QazAqparat tilshisi.

«Bizdiń qalada sýdyń baǵasyn sheksiz arzan dese bolady. Sheksiz. Bul rette biz Memleket basshysy men Úkimetke sý tutynýdyń qalypty normalaryn engizý úshin usynys jasaǵymyz keledi. ıAǵnı, sý boıynsha bir tarıf bolsyn, al tutyný normasynan asatyn barlyq nárse naryqtyq negizde tólenýi tıis. Bıyl jazda qalamyzdyń keıbir aýdandarynda sýdyń rasymen basty baılyq ekenine kózimiz jetti», - dedi qala ákimi. 

Ol sondaı-aq aldaǵy ýaqytta qalada sý tutyný tarıfi ózgeretinin málimdedi.

«Biraz ózgerister daıyndap jatyrmyz. ıAǵnı, aldaǵy ýaqytta qalada sý tutyný tarıfi ózgeretin bolady. Sebebi, kompanııalar negizinen ishetin sýdy emes, tehnıkalyq sýdy paıdalanýy kerek. Biraq bizde Keńes odaǵy kezinen qalǵan «sýdy aıamaý» dástúri áli bar. Menińshe, bul máselege kózqarasymyzdy ózgertetin ýaqyt jetti. Sondaı-aq Almaty sý men bolashaǵymyzǵa uqypty qaraý jóninde basqalarǵa úlgi bola alady dep oılaımyn», - dedi Erbolat Dosaev.