Bizde óz isin tereń biletin kásip ıeleri eńbek etedi - Aıbek Dádebaev
Eńbek kúni merekesine oraı, Aıbek Dádebaev óziniń telegram arnasy arqyly Prezıdenttiń Іs basqarmasy júıesinde eńbek etetin áriptesterimizdi quttyqtady, dep habarlaıdy QazAqparat.
"Búgingi tańda Prezıdent Іs basqarmasynda adam ómirine arashashy bolyp júrgen bilikti dárigerler, tabıǵı baılyǵymyzdy qorǵaýǵa atsalysyp kele jatqan ormanshylar, bilikti pedagogtar, qurylysshylar, ınjenerler, elektrıkter, aspazdar, júrgizýshiler, IT mamandary, basqa da óz isin tereń biletin kásip ıeleri eńbek etedi. Sizderdiń kún saıynǵy eńbekterińizdiń arqasynda Prezıdenttiń Іs basqarmasy Memleket basshysynyń tarapynan ózine júktelgen salmaqty tapsyrmalardy, sondaı-aq halyq ıgiligi jolyndaǵy mindetterdi abyroımen atqaryp, jaýapkershilik údesinen kórinip keledi", - dedi Aıbek Dádebaev.
Prezıdenttiń Іs basqarýshysy barsha áriptesterimizge adal ári kásibı qyzmetteri úshin shynaıy rızashylyǵyn bildire otyryp, denderine saýlyq, shańyraqtaryna qut-bereke men amandyq, qyzmette tolaǵaı tabys tileıtinin jetkizdi.
